ما غير هش القلب والقلب هشا

السلام عليكم
لتواصل معكم اليكم هذه المتواضعه

يامن رموشه فوق خده مفاريش= فيهن ليامني لمحته تغشا
مدري حيا والا فنونٍ من الطيش= طرق بهن ساعة صدفته وكشا
غشابهن مزنٍ بروقه مراهيش = جوه سكون وتو با القاع رشا
ريحه عقب وقعه نعاش المداويش= يزيد عمر الي برشه تمشا
عليه قلبي فز فزة مداغيش = اليا خطرهم واحدٍ ما تعشا
وعليه لجن الظماير معاطيش = المرتوي منهن عقب راح نشا
لا هو ولد حاكم ولا هو ولد ديش = من عرض غيره بس زينه يطشا
ما طشني وانا متخرج من الجيش = ما غير هش القلب والقلب هشا
ياليت لعيوني حواجز وتفتيش = واجنب الي من عناه استغشا

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابو فياض النويمي

المبدع الشاعر المتميز صح لسانك انا مغرم بقصيدك ياخالد
تقبل احترامي وتقديري

صح لسانك كثر حروفها واكثر والله

قصيدة جزلة بالحيل ، وكل قاف احسن من الثاني .


تحياتي

صح الله السانك


قصيدة عانقة السماء بجزالتها وأبداعها

تحياتي لك

صح لسانك ياخالد قصيدتك جميله جدا
بانتظار جديدك

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

صح لسانك ملاييييييييييييييين



شاعر جزل اطرب لقصائدك



لك تقديري

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

ومن قال سالم و غانم

صح الله لسانك

قصيدة رائعه بحق

تحياتي

اخوك