الآرض بيضاء ولاضاقت منازلها

	هذي القصيده وجدتها بل ارشيف وهي من قصايدي وقلتها عام 1410هـــــ امل ان تحوز على رضاكم

الله اللي تكفل رزق مخلوقه = ياخالق الناس والأرزاق كافلها
تفرج لقب(ن) يتل الهم معلوقه = والنفس من ما حصل زادة ملايلها
نفس(ن) من الهم والهاجوس مزنوقه = وانا عن الهون والحقران عاذلها
ان شغتلي طبختاً بالنار محروقه = اشوم عنها ورخيص النفس ياكلها
بيني ومن بين نفسي عهد ما تبوقه =لو كان دايم تجادلني واجادلها
نفس(ن) طموح لطريق العز وإطوقه =متبع هواها مدامه ما يجملها
والطيب والعز ما شيتٍ بطاروقه=ونفس الفتى عزها من عز حاملها
والرجل يعرف بمداته ومنطوقه = ولاتعرف الناس لين انك تداخلها
ولاخير في رفقتاً بالسوء مرفوقه =لو اختفت يوم تديلك دلايلها
والغلطه اللي تجي من نفس مرهوقه= توصيفها ناصفه في وجه قايلها
وقفي عن النذل سوقي ماهو بسوقه = وقول خلوه من غيري يحصلها
ولاني طبيب المريض اعالج اطقوقه =والارض بيضاء ولاضاقت منازلها
ولاصار ليه رفيقاً تاق له توقه=قدرت جهالها من شان عاقلها
ورفا خماله عن الاقصين وحوقه= وغلطات الاصحاب فوق الراس شايلها
وليافعلت الخطأ اقف فيه وسوقه = واشر الخطيه وقوم بما يعادلها
والنو لافاتنا من خيل ابروقه = ترى السحايب ليا اقفت ما نخايلها
ولاطاوع اللي عليه يمغط اشدوقه = وضعاف الانفس ترانا ما نجاملها
ولانكسي اجسامنا بثياب مشقوقه = والعوج من طبع اهلنا ما نجاملها
ولافيه نفساً من الزلات معتوقه = لو ما حصل عدلها ما صار مايلها

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة

السلام عليكم ورحمة الله وبركاته
الشاعر وحيد الجزيره
يشرفني انك اول واحد يمر على القصيد ويشرفني كلامك العاطر لاهنت وبيض الله وجهك وهلابك مليون

الاخ الشاعر الكبير على انا دائما اقول بانك شاعرعملاق ومتمكن وهاهنا مايثبت ذلك
ان قصائدك تتميز بالجزاله والمرونه وقوة المعنى وكل مايعني الشعر من كلمه والغريب في الامر ان شعرك بالقلطه بنفس القوة تقبل تحيتي بانتظار جديدك

السلام عليكم ورحمة الله وبركاته
الشاعر نداء الغيداني
يشرفني كل ما قلت وشهاده اعتبرها من الدرجــــــــــــــه الممتازه
والله اني فخوربشهادت مثلك يابو سامي
اشكرك جزيل الشكر على تشجيك لشعر الجزل بصفه عامه وتشجيعك لي بصفه خاصه
انت من الناس الذي يفتخر فيهم الشعر وكلامك يدل على حسن ذوقك وهنت

الله الله

على هذه الدرر

كنت أقرأ و أتأمل القصيدة و أبا أختار منها بيت يعجبني

و لكن صراحة كل ابياتها اعجبتني يا با ابو فارس

صح لسانك ملايين ... و لاتحرمنا من جديدك و مما في إرشيفك

أسجل إعجاااااااابي

الله الله عليك

صح لسانك


قصيده رائعه وتستحق الاعجاب من شاعر متمكن


لاهنت


تقبل تحياتي

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابو فياض النويمي

صح لسانـكـ وعـلا شانـكـ ...


رائعـة من روائعـكـ ... كما عودتنــا ....


لا عدمنـــاكـ يالغالي


تحياتي

لاهنت وصح السانك



تقبل التقدير والاحترام



وفقك الله