. . . ( وجه الملاك .. وصوف الحاكم ) . . . !!

مساءكم سكر :
مع التحية للجميع :
.
.

أطرد مـن التفكيـر أقسـى حلومـه= على أمـل بعـده تطيـب النومـه !!
والنوم وينـه عـن عيـون ٍ شابـت= مرت ( ثمان أشهر ) وهي محرومه !!
مــن المـنـام ومايـريّـح بـالـي= كن المنام لناظـري ( جرثومـه ) !!
وأوجـد حالـي وإنعـدامـي لـمّـا= يمرنـي صوت عشقـت علومـه !!
صوت المـلاك اللـي هواهـا فينـي= أخلا معاليقـي .. وحـط رسومـه !!
بنـى بقلبـي مـن شموخـه دولــه= لاهيـب لاتتـرك .. ولامحكومـه !!
لكنهـا تشبـه وصــوف الحـاكـم= همّـه وهيبـة وإهتمـام وهومـه !!
أحبـهـا مـامـر فــي تفكـيـري= ذكرى فـراق ٍ مانسيـت وسومـه !!
وأحبهـا ماحـن ّ صـوت الـراعـد= وأرخى على وجه التراب غيومـه !!
وأحبها مـن صبـح وجـه ٍ غـارق= بالذكريـات المـرة .. المشئومـه !!
حتـى مسـاءات الجديـل الـهـادي= اللي يسولف للسهـر مـن يومـه !!
وأحبهـا والحـب ســم العـاشـق= يلبس سنين الحزن لبـس هدومـه !!
اللـيـا تغلـغـل بالحنـايـا سـمّـه= وشلفاه لا صابت وهـي مسمومـه !!
تبـدل أوضـاع الخفـوق السـالـي= من جنـة السلـوى لنـار همومـه !!
والغاليـة رغـم إختـلافـي معـهـا= لكن هوانا ( حاجـة ٍ محسومـه ) !!
رسمـت فـي لوحـة خيالـي عنهـا= صـورة لقـا ورسالـة ٍ مكلومـه !!
تشـرح لهـا كيـف السهـر خلانـي= أسامر نجومـه .. وأعـد نجومـه !!
وعلقت في بـال الهنـوف أبياتي= حتى غدت علـى شكـل منظومـه !!
يمكـن الليـا مـن الفـراق أتعبـهـا= والقلب طاحت بالرحيـل عزومـه !!
تحـس فـي همـي وفـي تعذيـبـي= وتصيـر بسنيـن اللقـا مغرومـه !!
ويمكـن نجـوم الليـل فـي غيبتهـا= ترسل لها عـن ماجـرى معلومـه !!
عن حال خـل ٍ مابقـى لـه سيـره= لو جاوب الورقا فلا أحـد يلومـه !!
الشـوق أخـذ عمـره قبـل مايفنـى= قبل السهر مايحرمـه مـن نومـه !!

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابو فياض النويمي

ابدعت



صح الله لسانك



جميل انت دائماً



تحياتي

ياسلام ياسلام


دره ياراعي الدرر ماشاء الله تبارك الله


شاعر وقصيده كما عهدنا فوق الشهاده


لا عدمناك

صح لسانك وسلم بنانك



قصيدة رائعه بروعة حضورك



لك تقديري

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسااانك وقلبك

مبدع لله درك

دمت بوود

الشاعر المبدع
منصور المعمري
صح لسانك
قصيده جزله
في كل معاني الابداع
بيض الله وجهك
والله يعطيك العافيه
وننتظرابداعاتك القادمه

صح لسانك وسلم بنانك

قصيدة وافيه من وافي

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

وحيد الجزيرة