قصيده جديده موجهه لي من الشاعر بدر الحويفي واليكم القصيده والرد

الشاعروالاديب المعروف
بدر بن عواد الحويفي ينشدني عن اخبار المطر الذي جاناقبل فتره و يقول ابوسلمان:

يالقرن علمنا عن السيل يادباس= عن جو ديرتكم وواقع مطرها
لعلها شربت روى بعد الايباس= عسى السحاب امدادرحمه غمرها
عسى الحيا يسقي وعرها والاطعاس=تخضر مراتعها وينبت شجرها
ديرة امنزحت العدا فوق الافراس= قبيلة ماحصي مزايافخرها
يوم الفعول بقوة العزم والباس= سربة احمول الخيل يدرا خطرها
بالماقف الحساس من خيرة الناس= يوم القبايل عايمه في قشرها
وجهتها يادباس بشعور واحساس=جتك القصيده وأنت عطني خبرها
يادباس مقدارك على العين والراس = وأقبل رسالة صاحب لك نشره

الشاعر
بدر بن عواد الحويفي

ا

أهلا عدد ماذعذالصبح نسناس= صب من النيروز نبًه زهرها
وأهلا عدد مايسجع الورق خناس= فوق الغصون المورقه من شجرها
وأهلا عدد خلقه من الجن والناس = وأكثر من اللي قلت بالحيل وأرها
باللي يبي مني خبر كل عساس= يبي اعلوم أهل الدير عن مطرها
وأنا بشيرك مالها حد واقياس= سيلية كل من نشدتها ذكرها
اول نهاره ديمة مالها اجناس= وعقبه اسيول عبرة من عبرها
غيث مغيث ورحمته مابها ياس= وحنا بحاجة رحمته ننتظرها
يابدر بن عواد ياطيب الساس= هذا جواب النشدتك مختصرها
ياشاعرا شعره مع الناس نبراس= وخصايل نص العرب يفتقرها
وأنتم وحنا مابنا اخماس واسداس= والطيب وهبه من وهايب بشرها
تم الكلام اللي نظمته من الراس = للي جزيلات المعاني صخره

دباس ردن الحربي

ياسلام سلم


سؤال؟؟ بدر الحويفي هو الشاعر الكبير المعروف فى بادية الكويت سابقاً؟

صح السانكم

	المشاركة الأصلية كتبت بواسطة "سالم العجمي"

	ياسلام سلم سؤال؟؟ بدر الحويفي هو الشاعر الكبير المعروف فى بادية الكويت سابقاً؟ صح السانكم

اخوي/ سالم العجمي
الله الله بدر الحويفي هو الشاعر اللي تسال عنه
هو الشاعر الكبير
بدر بن عواد الحويفي الحربي " اطال الله في عمر"

إجابتي نيباةٍ عن اخي/ دباس القرن

دباس القرن
صح لسانك على هالقصيدة الجزله .... و صح لسان الشاعر الكبير/ بدر الحويفي

	المشاركة الأصلية كتبت بواسطة حميدان العوفي

	اخوي/ سالم العجمي الله الله بدر الحويفي هو الشاعر اللي تسال عنه هو الشاعر الكبير بدر بن عواد الحويفي الحربي " اطال الله في عمر" إجابتي نيباةٍ عن اخي/ دباس القرن

حميدان تسلم على الاجابه

وهذا علم من اعلام الشعر

لا انسى شطر من بيت له (اودع صناديق الضماير محليا)

	صح لسان / بدر الحويفي وصح لسان / دباس القرن وبيض الله وجيهكم

صح لسان الشاعر بدر وصح لسانك ردجميل وبنتظار جديدك يادباس

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..وصح لسان / بدر الحويفي

دمت بـ إبداعك

راعي الحناكيه

	صح لسانك مليون على القصيده ولسان الشاعر الكبير بدر الحويفي والله يـعـطـيـك الـعـافيـــــــــــة بيض الله وجهك