( فلسفه )

يا الله انا طالبك عفوك يا كريـم ويـا قديـر=انا الضعيف لرحمتك وانته وسيـع المغفـره
طالبك غفرانك ومرضاتك وتيسيـر العسيـر=وتوفيق ما يرضيك ياربـي وعيبـي تستـره
انت العليم انت الحليم انت الخبير انت البصير=وحنا عبادك ان تشاء نبصر بشـيٍ نبصـره
وقفت ادير الفكر في بحر الهجوس المستديـر=امسيت في غبة بحر وهجوس فكري مبحـره
ومن باب علم الفلسفه حللت موجات الاثيـر=وارسلت موجه ثانيه عبـر الاثيـر مشفـره
الموجه الوسطى تلاقطهـا رمـوز المستنيـر=والموجه العليا علـى رمـز الفهيـم مسيـره
ما جيتها بطره ولكن جابها صـوت النذيـر=وماينوخذ بعد النذيـر الا الطيـور المخمـره
الى متى وحنـا كـذي لا نسيـر ولا نطيـر=حنا بعالم عولمـه والصـوت لازم نجهـره
ياكبر شرهتنا وحنا بـا الاثـاره مـا نثيـر=ويـا طلـع نـادر تخلينـا ولحـدٍ عـبـره
امجاد من كانو قبل ماصحت الجيل الاخيـر=المجد يصنع كل يوم ولليالي نذخـره
فينا انانيـه وفينـا خـوف منقطـع النظيـر=شـوارد الافكـار فينـا مـا تهيـد مذيـره
فجوه كبيره فارقه بيـن الموظـف والمديـر=ومن قال ابي حقي يقال اليوم يكتب محضـره
واليا جلس راس الفتوه قال ما معيـه خشيـر=انا المعلـم والكبيـر انـا تـراي المفخـره
قالولنا منصور قلنا يا عسـى خيـره كثيـر=نبي نصوت مع جماهيـره ونعمـل جمهـره
قالوا عسى الله يرزقه قلنا ترى ماهـو فقيـر=الذيب ماعابـوه فـي فقـره ياقالـوا مفقـره
هذا وانا ماني وزير ولا معي رقـم الاميـر=ولاني بدكتور العقـول ولا درسـت الدكتـره
هذي روايه من رواياتي ماهي من شكسبير=جوليان مايذكر بها وجولييـت فيهـا ماذكـره
قصه قصيره لابسه بشت الـوزاره والوزيـر=فيها البطل منصور قولوا ياعسى الله ينصـره

صح لسانك


عبرت وأجدت


تحياتي وإعجابي

اخوي


خالد الحصني


ابدعت بهذه القصيدة الرااااااااائعه

صح لسانك و سلمت يمناك

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

راعي الحناكيه

لاهنت وصح لسانك



تقبل التقدير والاحترام



وفقك الله

,
,
,

صح لسانك وعلا شانك

والله يعطيك العافيه على القصيده الجزله

بيض الله وجهك

مع التحيه

صح لسانك وسلم بنانك



قصيدة رائعه بروعة حضورك



لك تقديري

المبدع

خالد الحصني


صح لسانك وبيض الله وجهك

قصيده تحاكي مشاعر كل شاعر يبحث عن الإبداع

لله درك على هذا الفلسفه الواقعيه

تحيتي وتقديري لك

يا الله انا طالبك عفوك يا كريـم ويـا قديـر
انا الضعيف لرحمتك وانته وسيـع المغفـره
طالبك غفرانك ومرضاتك وتيسيـر العسيـر
وتوفيق ما يرضيك ياربـي وعيبـي تستـره
انت العليم انت الحليم انت الخبير انت البصير
وحنا عبادك ان تشاء نبصر بشـيٍ نبصـره


صح لسانك شاعرنا خالد الحصني
وبيض الله وجهك

ماقول غير صح الله لسانك وبيض الله وجهك




قصيدة سنقرأها مرات ومرات .. فلله درك ..









ياسلااااااااااام .. ياسلاااااااااااام



كفو ..