للسعاده حب فالله

من يقول ان المحبه باللغات وباللهوج= قلت هذا جاهلٍ بالحب عمره ماعشق
ومن يقول الحب في نظم المشاعربالهروج=كم حبيبٍ قال احبك للمحب ولاصدق
المحبه الصادقه مابين الاثنينه تحوج= الصراحه والامانه والصداقه بالوثق
والمحبه بابها مدخال ممنوع الخروج= ولاخبرت احدٍ دخل مع بابها ثم انعتق
المحبه بحرها غادر وعاصف بالثلوج= من يعوم البحر قولوله مصيرك للغرق
ولا انا ماباقي الا اكتب مواضيع ونهوج= فالهوى والحب واحوال المحبه والسرق
سارق قلوب الهوى بالزين يولج به ولوج= وان تمكن منه يامشكى على الله انصفق
ولو تسوي ماتسوي لو تكثر بالرهوج= كل ماصكيت باب يفك لك عشره طوق
والهوى صعبه دروبه كلبوها دروب عوج= لو يروح الحب راع الحب دايم في قلق
ولا حسبت ان النظر يهتال بالقلب ويهوج= لين شفت عيون من هو برمش عينه مارفق
جات عيني في عيونه من ورى عشرين فوج= وكن سهم الموت مع رمشة عيونه انطلق
رمشةٍ تخسف بقلبي نوب تعرجبه عروج= وابتلتني واهلكتني وهام قلبي واحترق
ولا يفيد ان مجت ولا بعد ناظرني مااموج= نظرتٍ راحت بروحي غير خلاقي شفق
وتوبتني عن هوايه وغيبت كل البروج= للفؤاد اللي هوى وللسان اللي نطق
وحالفٍ ماعاد اناظر فالزهور وفالمروج= ولا ابي فوح الورود ولا ابي طعم الورق
والحقيقه والصراحه من يبي حكي النضوج= للسعاده حب فالله وللنكاده ماسبق

صح لسانك


عبرت وأجدت


تحياتي وإعجابي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح لسانك ..

قصيده رائعه واحساس اروع ..

أسجل اعجابي

ويعطيك العافيه ..

.
.
.
.
قمة الإبداع يا ابو ناب

صح لسانك و اعتلا شانك
.
.
.

صح لسانك ولاهنت

قصيده معبره

تحياتي لك

صح لسانك ملاييييييييييييييين



شاعر جزل اطرب لقصائدك



لك تقديري

السلام عليكم ورحمة الله وبركاته
سلمت ودمت أخوي الشاعر ماهر مبروك العصلاني على القصيدة .
.
.
جزله ورائعه وصح لسانك
أخوك ابوساره

والمحبه بابهـا مدخـال ممنـوع الخـروج
ولاخبرت احدٍ دخل مـع بابهـا ثـم انعتـق

صدقت والله ياماهر وبيض الله وجهك

قصيدة رائعه

صح السانك ولاهنت



قصيده رائعه من رائع

لك تحياتي