خمسين بيت لخمسين عام

بسم الله الرحمن الرحيم
الاخوه الاعزاء/ السلام علكم ورحمة الله وبركاته،،،،
من واجب اي رجل من حرب ان يفتخر ويشيد
بأي علم من اعلام حرب،،
الذين كدسوا حياتهم لرفع راية القبيله والذود عن قبيلة حرب في شتى المجالات والميادين...
وعندما اتحدث عن الشعر
اذكر الشاعر الكبيرالذي كان حامي الميقاف دون حرب مدة خمسين عام
وتعلم على يديه الكثير من شعراء حرب الكبار امثال
... الشاعر المغفور له باذن الله صياف السحيمي.. والشاعر القدير/ عايش الزبالي... والشاعر الكبير/ عبدالكريم المزروعي ,,,
والكثير من شعراء حرب ..
ولكن لااستطيع ذكرهم جميعا حتى لااطول عليكم،،
الا وهو الشاعرالمعتزل الكبير/ مبروك مبارك العصلاني ابوناب الحربي،،،
ومهما كتبنا وقلنا فيه لم نوفيه قدره
ولكن هذه قطرة من بحر
خمسين بيت لخمسين عام

يالعليم يالعالي العالم عبادٍ طايعينك=بك وكتبك والملك وبكل رسلك مؤمنه
يالحميد الحمد لك حمدا حميدا حامدينك=ياحكيمٍ حكمته ملكوت كونٍ كونه
يالشكور الشكر لك شكرا شكورا شاكرينك=خالق الروح وخلقت النا عيون والسنه
بك بدينا واتكلنا يالمعين ونستعينك=ثم ابتلا الفاتحه واتلا وراها البينه
قاله اللي هاجسه قال احتزم والله يعينك=استلم صرف الذهب واخذ الذهب من مخزنه
عام فالسبع البحور اجدادك اللي سابقينك=طافوا انواع القصيد وكل شعر تفننه
حزت شعر المدح يالهوجاس في عزك وامينك=عمت فالبحر الطويل وجبت قافه ولحنه
قلت ياماهر ترى خير القصيد فوالدينك=كاتبٍ خمسين بيت لمن كتبها بالسنه
فاز ابو محسن يابو محسن ماقوله مادحينك=وانت راع الصدق ياابوناب شوف العينه
طايع الله والرسول الشاهد الله في يقينك=الفروض مكمًله مؤمن وروحك موقنه
من شبابك مانزلت فمنزلة علمٍ يهينك=انت رجالِ هوا روحه ابد ماتفتنه
وانت عزي واعتزيبك وافتخر باسمك ودينك= تاج راسي يرتفع ذكرك سنين وازمنه
خت لك خمسين عامٍ فالملاقا هايبينك=انت سكين النحر كيد الحريب ومغبنه
فزت فالجيل الجديد وفزت جيل معاصرينك=من قدر مثلك يحكم الشعر حكم الهيمنه
شاعرٍ ماتخلف الميعاد للي موعدينك=فالظروف القاسيه ولاً الظروف الهينه
مارشيت ولاارتشيت قروش من جو مرتشينك= ماانت مثل اللي كأنه من فقارا البوسنه
شاعرٍ قولك وشعرك يطرب اللي سامعينك= وان حضر وقت التحدي كل علم تثمنه
يشهد الله يالزبيدي يشهد الله فاقدينك=مايقف وقفتك لو صم الحصون المحصنه
حامي الميقاف دون الربعه اللي محتمينك= كل علمٍ له جواب وكل حق تبرهنه
باللسان وباليمين بمالك وقلبك وعينك= السهوم تصدها وابليس دايم تلعنه
فالمحاضر ماتهاب الجمع واللي مقابلينك= من تعدا واعتدى تاطا ةعلية وترعنة
تلطم العايل وسمك مر للي معتدينك=تاخذ اللي مكسبه بالعرف خصمك تمكنة
حزت لك مجدٍ مسطر كسبها طالت يمينك=يشهد الله والخلايق والزمن والامكنه
فالرجوم اللي طويله وقْت من ماضي سنينك=وانته الحر العزوم وكل مرقب تسكنه
وانته الليث الاسد ابن الاسد حامي عرينك=وانت ركاب الاصيله يوم سبقْ الاحصنه
والعقود اللي صعيبه حلحلتها في يدينك=ماتهاب اللي ثقيله ماتجيب الهينه
الشيوخ مع الجبر شيبٍ وشبْ مقدرينك=وانت شيخٍ محترم عقلك وقولك توزنه
الرجال اهل المواقف فالمواقف محتسينك=وانته الدرع المتين وكل ماقف ممكنه
والرجال اهل الحمايل فالثقايل خابرينك=لتكيت لحمل جبت شعيل حمْله وارسْنه
يالشجيع الضفر ياللي تثار لدمك ودينك=كم عاصي درت فوقه بالرحاه وتطحنه
من رجاجيل الجمايل والجميله في جبينك=من جميلك ينجلي هم القلوب المحزنه
كاسب اصحابك وربعك فاللوازم كاسبينك=تاخذ الطيّب وعلمٍ مايناسب تركنه
فزعتك بالعز عز العزوه اللي معتزينك=الزبيدي في لزومه فاز اصيلٍ معدنه
صاحب النخوه وراعيها لمنهم منتخينك=نخوتك درسٍ يدرس لازم انْا نتقنه
فالشرف تْشرف مشاريف الشجاعه شاهدينك=من يمن للشام والبحر الحَمر للسلطنه
طايلٍ بالطْيَب طيبك طبعك ومدة ثمينك=تجزي الطيب بطيب الطيب فاهله ترهنه
بالوفا وافي وفيت اهل الوفا وعارفينك=فالكبيره فالصغيره مانقصت الفرسنه
فالكرم مكرم كريم تكرْم الضيف بسمينك=ضيفك اكملته كيفٍ كاملٍ ماتوهنه
منزلك منصى الضيوف وبالتحيه ذاكرينك=مدهل دسام السبال اهل العقول المفطنه
من تواضعك العرب بين الحنايا واضعينك=مامشت روحك مع اهل الكبر واهل الفرعنه
بين ذات البين تصلح لو ماهم مشتكينك=والدخيل اللي نصى بيتك ذراه ومزبنه
كم عينٍ باكيه فرحتها بعطفك ولينك=تكفل الطفل اليتيم وكم فقير تطمنه
وانت قدوه للجميع وكلبونا مقتدينك=وانته البحر الغزير اللي تحمْل لسفنه
اطلب المطلوب والمعطي طلبنا طالبينك=اجعل الجنه لابو محسن مقره موطنه
ياحفيظٍ حافظٍ تحفظ عبادٍ حافظينك=احفظه من كل شر وزيد خيره وامْنه
يالغفور الخالق الغفار حنا راغبينك=تغفر ذنوبه وتبدل كل سيَه بحْسنه
يالرحيم الواحد الرحمن ترحم صالحينك=ترحمه طول الحياه وترحمه في مدفنه
يالعزيز العدل عبدك من عبادٍ عابدينك=اجمعه مع والدينه في حدائق واعينه
يالمجيد الواجد الماجد مجيب لمرتجينك=يوم الاهوال اجعله واهله من اهل الميمنه
ياوسيعٍ مرسل محمد ختام لمرسلينك=الختام ازكى صلاتي لافضل الخلق احسنه

اللة يعطيك العافيه
وصح لسانك
وبيض اللة وجهك
وكل الذين ذكرتهم يستاهلون ...
دمت بخير

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

وشاعرنا الكبير مبروك ابوناب من كبار شعراء حرب الذين وقفو في وجه كثير من شعراء المحاوره

اتمنى لك التوفيق والله يطول بعمره إن شاء الله

اخيك ابوروان

ابداااااااااااااع


صح الله لسااانك وعلا الله شااانك يا ماهر


تقبل مروري يا الغالي


ودمت بخير

الله الله الله


صح لسانك ياماهر وبيض الله وجهك ويستاهل مبروك ابوناب

صح الله لسانك
ولاهنت
وسلم فكرك وبنانك
دمت برعاية الله وحفظة

رقي حروفك تعدى وصف الخيال

صح الله لسانك ..ولاهنت

تقبل مروري واحترامي وتقديري

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

راعي الحناكيه

	فزعتك بالعز عـز العـزوه اللـي معتزينـك =الزبيدي فـي لزومـه فـاز اصيـلٍ معدنـه صاحب النخوه وراعيهـا لمنهـم منتخينـك= نخوتـك درسٍ يـدرس لازم انْـا نتقـنـه

صـــــــــــــــــح لسانك

نص رائع وجزل

صح لسانك ودام ابداعك

سجل اعجابي ومتابعتي