مجاراة قصيدة الشاعر المبدع/ خالد الحصني

بعد قراءتي لقصيدة الشاعر المبدع/ خالد الحصني

يا بنت انـا ساطـي حسـام امتسطـي=ماني بتمثـال علـى الجنـب محطـوط
اليستحيتـي مـن كـلا مـي تغـطـي=ترى الحيا يـا بنـت بلحيـل مظبـوط
خليـك مـن قولـة تعـال او تقطـي=ما ياخذ المقطـوط يـا كـود ملقـوط
تلقيـن جحلـوط (ن)معـه تجلحطـي=انـا تـرا يـا بنـت مانـي بجحلـوط
مـا جابنـي كثـر الدلـع والتمـطـي=والي مضفي مدمـج السـاق مشعـوط
يصعب علـى كـل الفريقيـن خطـي=ولحد ممشيني علـى ادروب وخطـوط
ما صيـد لا قمـري ولا اصيـد بطـي=اشبك وحش ما ادور الصيد با الغـوط
با الرجل من فوق الصعـاب امتوطـي=واضرب على روس الطويلات با السوط
مخطي ولا احـب الخطـى والتخطـي=واقف مع المضلوم واقطع معـه شـوط
اخـذت بـا الدنـيـا دروس تغـطـي=ولبست من بعض المواقف ميـة نـوط
انكانـهـم قـالـوا علـيـه تخـطـي=قولي لهم من دونـه السيـف مليـوط

ومن دافع حبي للشعر جاريت هذه القصيده
وأتمنى ان ترتقي إلى مستوى قصيدة الشاعر المبدع / خالد الحصني
وترتقي لأذواقكم جميعاً

يالثانيه مع حالك الليل بطي=دقات سرعاتك بما اقول منيوط
هدي من السرعه وشيلي وحطي=لين اتمعن بالذهب كيف منقوط
امطعمٍ باللولو المغنئطي=يودع شعاعه هادي الفكر مشطوط
وليا قضيت من الغداريق عطي=ماعاد تفكيري بسرعتك مربوط
توي مع الشعار احوبي واخطي=ولا عمر قلبي للصعب صابه قنوط
غامض ونوب من اوضح الشعر خطي=ولعب الورق لو تكشف اوراقه يبوط
احورف الغبَه واعوَد لشطي=ومن جور هم الوقت مانيب مغبوط
الملم افكاري واعلي واوطي=وخالد دعاني في مجاراه قاروط
واللي عرض له واحدٍ لطلططي=لاهوب لا قاسي ولاهوب ممغوط
في ذمتي من عقبها ما ينطي=مانيب لا اجامل ولا هيب مسفوط
اقولها والطيب منها يعطي=من خافقٍ بمعتق الطيب مغطوط

لا تعليق مررت للمتعة التي أجدها دائماً في بروح



صح لسانك ولسانه



تحياتي لك

صحت ألسنتكم

وبيض الله وجيهكم

صحت ألسنتكم وبيض الله وجيهكم
شاعرين كبيرين
وقصيدتين جزلتين

صح السانك يا علي هليل


ترتقي ونص كيف ما ترتقي مثل هذه القصيده

ماشالله عليك طلعت قافيه وانا احسبها شايبه


صح السانك وشرف كبير مجاراتك لقصيدتي

صح السانك ولاهنت



قصيده رائعه من رائع

لك تحياتي

صح لسانك يالذيب ولسان الشاعر خالد الحصني

.. ولاهنت

نص راقي ..و عذب المعاني .. !


سلمت مشاعرك ..


دمت بـ إبداع

راعي الحناكيه

,
,
,
صح لسانك وسلم بنانك وصح لسان اخوي خالد الحصني

قصيدة وافيه ورد وافي

بيض الله وجهك يالذيب

اتمنى لك التوفيق

اخيك ابوروان

صح لسانك وبيض الله وجهك

نص جميل وشاعر بارع

تقبل تحياتي

الشاعر القدير علي هليل صح السانك


ولسان ابوفارس مجاراه تحمل معناها من كل الطرفين