درب الفقر

اتمنى ان تنال هذه القصيدة على
اعجاب الجميع
ونتقبل كل نقد هادف وبناء
مع اطيب الامنيات للجميع

وشفيك يادرب الفقر من ملـذات=فيك العنا وفيك الشقا والبـلاوي
لاشك مافيك الا همـومٍ ثقيـلات=من طاح بك حظه رديٍ شقـاوي
تلعبه الدنيـا بوسـط المتاهـات=ويسوق رجله في دروب الرجاوي
يتعب ولا يلقى من الوقت بسمات=ويخوض فالدنيا شبيه الفـداوي
يصبح مع الامال روحـه وردات=ويمسي ودمعه داخل العين زاوي
ولا قرب فراشه لفتـه المعانـات=تكثر حلومه كـن قلبـه هـواوي
بفعل واسوي والموارد شحيحات=ويعزي نفسه في كثير المنـاوي
احيا تضحك له دقايق ولحظـات=وبلحظه ترجع له كثير البـلاوي
يعيش يومه بين ونه وحسـرات=طايح بحزنـه مالقالـه مـداوي
ما احدٍ يبي شوفه ولاله رفاقـات=حاله كما حال اليتيـم الجـلاوي
ماله جدى ياكود صرخه وعبرات=من لوعةٍ بالقلب ماهـي بتـاوي
عليه بالمسجد وكثـر التـلاوات=يجيه من ربه جزيـل العطـاوي
اللي رزق خلقه بليـا حسابـات=واللي ماغيره يستحق الهقـاوي
وياما حلا في تالي الليل ركعـات=وترفع يدينك تطلبـه بالدعـاوي
لاشك هذاي لذة العمـر بالـذات=لاصارعودك مع هل الدين راوي

الله يعطيك الف عافيه ماقصرت بيض الله وجهك

صح لسانك يافارس

ننتظر جديدك

.
.
.
.
الاخ/ فااااارس الطريسي

صح لسانك و بيض الله وجهك
.
.
.
.

صح السانك يافارس

فارس الطريسي

صح لسانك وبيض الله وجهك


صدقت مابالفقر لذة


تحياتي لك...,

الله الله الله

يعيش يومه بين ونه وحسـرات
,,,, طايح بحزنـه مالقالـه مـداوي

ما احدٍ يبي شوفه ولاله رفاقـات
,,, حاله كما حال اليتيـم الجـلاوي

فارس الطريسي

صح لسانك وبيض الله وجهك

تحيااااااااااتي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح السانك ولاهنت



قصيده رائعه من رائع

لك تحياتي

صح بدنك

ولاهنت


لاخلا ولا اعدم منك

كل الشكر لك

اخوك