المحايد بلش في بلشت(ن) مافرعها

المحايد بلش في بلشت(ن) مافرعها=مار حنا نبي نفزع معه بالحزامي
من يخاوي النشاما فوق راسه رفعها=وانت رجال نشمي لا تخاوي الحرامي
رمعة طايشه ياعنك من هو رمعها=بين العلم بالتاريخ والا الأسامي
ماني بحاجه لفزعتك عندي سنعها=لو تبا أنوخ الحاشي كبير السنامي
من نزل وسط وادي مايئمن سبعها=وانت تنزل وتطلع ماعليكم كلامي
من ينوخ جماله بعدها ماطلعها=لو راس الزناد امجهز(ن) بالبهامي
من يقص الأثر لاشاف جره تبعها=وانته جررك واجد ماانت حسب النظامي
كان ماتعرف اللعبه يابو زيد دعها=عقب ماجد يجي للمنتخب مثل سامي
عام الاول دخيل وركعت(ن) ماركعها=كيف يمشي عزيز النفس وسط المقامي
ناقت(ن) ماتذر ويشهد الله رضعها=كود ماهو بعارف وضعها بالتمامي
مزرعتكم خلطتم جحها مع قرعها=وضاعت الجره القشرا بوسط الثمامي
الهنوف الجميله لايغرك دلعها=لو تثنت مايقدرها ضعيف العظامي

بارك الله فيك على النقل الرائع

وصح الله السنت الشعار الرائعين

الله يعطيك الف عافيه على المحاوره


بيض الله وجهك

وصحت السنتكم

صحت السنتهم

ابدعو القاف

صحت السنت الشعار ومشكور على الاختصار