دقيت باب السواط وقفل الباب

صياف الحربي=
دقيت باب السواط وقفل الباب=مدري مرض قلب وإلا له طبيعه
لو العرب ينشدونه ويش الاسباب=يقول روحو مع الارض الوسيعه
جارالله السواط=
انا كرم الضيف واوفي كل طلاب=واللي قطعنا لعله بالقطيعه
ياحربي اوصيك لاتاطا على الداب=بعدين ماتلتقي طب الوجيعه
صياف الحربي=
عز الله انا اول نحسب احساب=لفلان وفلان وانته بالطليعه
يالسواط خلك معلق سيف وانصاب=انا تراني مودع لي وديعه
جارالله السواط=
انا على ظنكم ياعز الاصحاب=حنا عتيبه مذاهبنا رفيعه
وان كان شفنا لنا سراق ونهاب=نبا نجازيه باحكام الشريعه
صياف الحربي=
السابر اللي سبر في راس مرقاب=اسرع وراحت له الدنيا سريعه
وش جاب لك حظك المبروك وش جاب=ضوى لك العاصيه والا المطيعه
جارالله السواط=
السابر اللي سبر له فيك مضراب=ومن بعده اصبحت ماتبغى الوجيعه

بيض الله وجهك يابوروان

يعطيك العافيه يابوروان وفقك الله

	الله يـعـطـيـك الـعـافيـــــــــــة بيض الله وجهك

بيض الله وجهك يابوروان

بيض الله وجهك
ولا قصرت
الله يعطيك العافية

بيض اله وجهك ااخي ابو روان
لاهنت على النقل الجميل
رحم الله شاعر الخليج

أبو روان مشكور على مجهوداتك الغير مستغربه

لله درك

وبيض الله وجهك

ومشكور ماقصرت الله يعطيك العافيه

الله يعطيك العافيه ورحم الله صيااااف السحيمي شاعر الخليج