نعرف اليوم يوم ونعرف الليل ليل

رحبوا رحبوا بضيوفكم ياهذيـل=البيوت الكـرام تفـك بيبانهـا
لا تقوم القيامه قبل وقت الرحيل=ليله نصوم ونصلي على شانها

نعرف اليوم يوم ونعرف الليل ليل=ماتقـوم البيـوت الا بعمدانـهـا
والله انك عميلي ماش غيرك عميل=راح حصنيها ويجيـك سرحانهـا

بعد بكره تبا تشتال حمل ثقيـل=اسمع السالفه واجيب برهانهـا
كيف اعاملك وانته ماترد الجميل=وان ذبحت الذبيحه تاكل لسانها

الوكيل الله المعبود منتـه وكيـل=الزمك بالطلب واهل الطلب عانها
والفعل يذكرونه جيل من بعد جيل=والامانه سليم العقـل ماخانهـا

بايعين البضايع ماعليهم كفيـل=ياخذون الثمن وهي في دكانهـا
وانت مريتنا طرقي وعابر سبيل=وان بدا راسها ماشفت كرعانها

دلة الهيـل تسبـق دلـة الزنجبيـل=نارهـا والعـه مـاعـج دخانـهـا
وانت تدري وتعلم ما اخلق المستحيل=نتـرك هزالهـا ونذكـي سمانـهـا

جعل طيرٍ طلع راس الشفا مايميـل=لين كل الطيور تكف جنحـا نهـا
وش بقى لك بعد ولعت راس الفتيل=مابقـى غيـر حبتهـا ونيشانهـا

عزوتي يحتمون ويسلمون الدخيـل=معركه حاميـه وهذيـل فرسانهـا
ودي ان الرعد والبرق يقفاه سيـل=تشرب الشجرة اللي يبست أغصانها

كان صادق على ماقلت هات الدليل=من يخاوي هذيل يغنـي الحانهـا
وانت مدري تبى شقران ولا شعيل=كلهـا زمـل توعدنـي بنيبانهـا

طول الله شليلك ياطويل الشليـل=اخوة المسلمين تساند اخوانهـا
نجمك الجدي ولا سعد ولا سهيل=عيش في كونها واخضع لديوانها

صح الله السنتهم

ومشكور على المحاوره

00
يعطيك العافيه على الملعبه وصحت السنت الشعار
.
.
بارك الله فيك حفظك الله0
0