تفوز الانديه من غلطة الحكام

سلام الله عليكـم سنـة الاسـلام=وتبقى سنـة الاسـلام مسنونـه
ياشاعر حرب عجل عطني الاعلام=تبى راس الجبل ولا تبـى دونـه

هلا يامرحبا ياللي طلعت العام=وجاك الذيب ثم اخرعك بعيونه
نباها وحـده والثانيـه قـدام=على خط الهدا ياللي تعرفونـه

يخيلك وانت مابين اليمن والشام=ومولع جمرته في راس غليونه
عساك ليا انعزمت تجاوب العزام=ومضمونه لك الرجعات مضمونه

بعد شالوا حزامك من عطاك حزام=عسى ماهو سعيد اللي يقولونـه
نبا نمشي لهم سيرٍ على الاقـدام=عشر كلمات مع ثنتيـن مدفونـه

انا مانام قلبي قلبـك اللـي نـام=تذيعـون الخبـر ولاّ تدسونـه
ترى مابه لحم صافي بدون عظام=على هونك سكون الدار مسكونه

أبو عرّام يعرف بيت أبو عرّام=يبيع الثور ولايكسـر قرونـه
بني مسعود ما تاكل مع الايتام=وشاعرهم نشوف الدم بسنونه

لبست الثوب يالحربي بدون اكمـام=عسى العتبان في جنبك يخيطونـه
علامك تخلف الميعـاد والمرسـام=وأنا اخبر صاحبي ما ترمش عيونه

تفوز الانديه من غلطة الحكام=واظن ايامنا ماهـي بمامونـه
معك موتر ماتمشيبه بغير نظام=ولكن الخلافه فـي دركسونـه

كتبلك ماكتبلك جفـت الاقـلام=وماهـو قـدر الله ماتردونـه
بغى يخلع حرامه وابتلش بحرام=على جنبه وخلق الله يشوفونه

صح الله السنتهم

ومشكور على المحاوره

الله يـعـطـيـك الـعـافيـــــــــــة

بيض الله وجهك على
الاختيار الموفق
وتقبل تحيتي

00
يعطيك العافيه على الملعبه وصحت السنت الشعار
.
.
بارك الله فيك حفظكم الله0
0