لأول مرة..معتق العياضي ومحمد الربيقي..(وجها لوجه)..!!

هذه المحاورة جرت بين الشاعرين
معتق العياضي ومحمد عبيد الربيقي
الحربي وهي المحاورة الأولى بين الشاعرين..
و جرت في محافظة الرس بتاريخ4/10/1428هـ

=معتق العياضي..
يامرحبا باسم حرب وحرب حرابه..=..عداد ماخيلت ثم انتثر ماها
محمد عبيد شاعر طول غيابة..=..ياكثر شعار لاغبت فقدناها
=محمد عبيد الربيقي..
الله يحيي رفيقٍ نحسب احسابه..=..مر الخطوط الثلاثين وتعداها
مادام وضع الثلاث الروس متشابه..=..كلن يدور بعارينه ويلقاها
=معتق العياضي..
القدر بالصدر وابن عبيد من لابة..=..إليا ذكرنا المواقف مانسيناها
يامحمد عبيد كلٍ يتعب اركابه..=..واللي يبى الطيبة يتعب وينصاها
=محمد عبيد الربيقي..
اللي يعرف الحقيقه ما بلشنابه..=..الهرج فاللي يولعها وياطاها..
الحرب ياقوم طيارة ودبابه..=..وإن جاب معتق رصاصة قلت سواها
=معتق العياضي..
من شب ناره عساها تحرق اثيابه..=..واخص واحد يولعها وخلاها
إليا بدأ الحرب كلٍ يزهم أقرابه..=..وانته وانا مع بعض ثم انتولاها
=محمد عبيد الربيقي..
بعض السوالف تراها هوش وطلابه..=..أنا ماسميتها وفلان سماها
على عيون العدا خنصر وسبابه..=..إن يسر الله بمبداها ومنهاها
=معتق العياضي..
علمٍ تقوله طلبتك عطني أسبابه..=..بعض الحروف الصغيرة ماقريناها

ياسلام ياسلام ياسلام

بيض الله وجهك يالغالي

مشكور يافهد وبيض الله وجهك ,

ومحمد عبيد شاعر كبير ومتمكن لكنه يهضم حقنا عليه وحق نفسه عليه
حيث اننا لانكاد نراه في المحاورات , ويقتل ابداعه بالغياب الدائم والحضور المتقطع

واتمنى لشاعر معتق العياضي مستقبل افضل .

	الله يـعـطـيـك الـعـافيـــــــــــة اخوي المبدع فهد المحسن بيض الله وجهك

يعطيك العافية
وصحت ألسنت الشعار

بيض الله وجهك يافهد ، أكيد اذا أجتمع محمد ومعتق فالناتج ابداع وشعر جزل أتمنى لو أن أحد الاخوة ينزلها لنا صوتية ... يعطيك العافية مرة ًُ أخرى .

اخي القدير فهد المحسن
لاهنت على هذه المحاوره لشاعرين ممزين من قبيلة حرب
فأتمنى لهم التوفيق في مسيرتهم الشعريه وان يستمر نجميهما في التوهج والمعان في سماء هذه القلطه المجنونه
فصح الله لسانهم جميعا

بيض الله وجهك على النقل

تسلم يمينك وبيض الله وجهك

مشكور والله يعطيك العافيه