لافي الغيداني

الليلة يحيي شاعرنا لافي الغيداني امسية ملتقى عتيبة(الهيلا)
وقد حرص الكثير على الحضور والإستمتاع بإبداع الشاعر لافي المتواصل والمميز.......

الله يوفق الشاعر لافي الغيداني

للة يعافيك ياراجح

	يعطيك العافيه والله يوفقه اخوك الحب الباقي دمت بخير

تسلم على الخبر أخوي/ راجح الغيداني

بيض الله وجه لافي ... إي و الله شفناه الليلة عز الله أنه رفع رؤوسنا بيض الله وجهه ملاييييييييييييييييين

هذه القصيدة ::

وانـا اعتبـر نفسـي هنـا بالنيابـه= عن حرب ربعي بني سالم ومسـروح
اهل الوفاء من قبل عصر الصحابـه= واهل النقاء اللي دونه الوجه ممسـوح
سـلام يالهـيـلا قبيـلـة عتـابـه= سلام(ن) اسوقه من الـروح لـروح
نفحة شذى ريضـان نبـت السحابـه= معه وعليكـم تنبعـث منـه وتفـوح
مـن بيننـا مابـا المعـزه غرابـه= لها وسط قلوبنـا ابـراج وصـروح
للوصل بجسـور التواصـل صلابـه= حقايق(ن) ماهـي بقاويـل ومـزوح
ياللي علـى صـدره نقشتـوا كتابـه =صدر الكتاب اللي للامجـاد مفتـوح
علـى جبينـه ياجـده مـن قرابـه =تاريـخ سيرتكـم مـدون ومشـروح
صافح جبين الشمـس عـز ومهابـه=احد(ن) عنه راضي واحد منه مجروح
لـولا بيـاض افعولكـم مـن رقابـه= على سفوح(ن) دونها سفوح وسفـوح
لطامـت العايـل الياجـاب مـابـه= وذباحة الحايل لـو الـزاد مشحـوح
فيكـم علـى تكفـى غلاثـة اذيابـه= وعلى نعم فيكم ضرم راس مشفـوح
تاريخكـم بالطيـب كـل(ن) درابـه= وعلى ماقيل العلـم مقفـي ومنطـوح
الطيـب ياعتيبـه لبسـتـم ثيـابـه= قول وفعل والكلمـه اللـي لهـا روح
واللي رجاء عفـوه يسابـق عذابـه= حفاظ بيض وسود الاعمـال باللـوح
لو ماني محاسب علـى كـل جابـه= انـي لاقـول بكلمة(ن)حـد ذابـوح
بفعالكـم مـع غيـرهـا ماتشـابـه= لكن بظلـم النـاس مانـي بمسمـوح
ايـه احتـرم حـق القبايـل واهابـه =والظلم عنه العبـد منهـي ومنصـوح
ماتنهـب حقـوق القبـايـل نهـابـه= حتى اني انسفها على ضهري واروح
لكم اخشرى بالطيب مـن كـل لابـه= الطيـب حق(ن)للاجاويـد ممـنـوح
مثل المجم اللـي عـذي(ن) شرابـه= وكل(ن) بدلوه يـارد الجـم ويمـوح
مايغـط نورالحـق ويصـك بـابـه =الا ضعيف العرف وقصيـر الشـوح
عسى السحاب اليـا تراكـم ضبابـه= وبروقـه تفـرق مثانـيـه وتـلـوح
على وطن صقـر العروبـه عقابـه= همالها يروي عطش كل صحصـوح
غيث(ن) مايذكر للضرر فيه اصابـه= صحه على ماقالو النـاس وصحـوح
ليـن يتشابـك نبتهـا تقـل غـابـه= وروس الزبيدي كنه المرو بالصـوح
حاولت تجنيـب الخطـاء ورتكابـه= ون حصل مطلوبي عفو كل طحطوح
قصيدتـي تختـال كبـر وصبـابـه =على معانقهـا سمـع كـل ممـدوح
وختـام شاعرهـا مثـل مابـدابـه=الا اني بكلمـة شـرف ودي ابـوح
تدرون من اولا البعض مـن شبابـه= برقاء وروق وبني سالـم ومسـروح

فقد مثلنا أبو حمود خير تمثيل
بيض الله وجهه
أخوكم
عوض العياضي

صح لسان شاعرنا العلم لافي حمود

قصيدة الشاعر الكبير ::

لافي الغيداني

بالصوت
على الرابط هذا :::

http://www.otaibah.net/m/showthread.php?t=51786


وللجميع خالص الشكر والتقدير

بيض الله وجهك أخي راجح على الخبر
وبيض الله وجه عوض العياضي على القصيدة لمن لم يستمع لها

وشاعرنا الكبير لافي حمود الغيداني من خيرة من يمثل القبيلة ،،
وقصيدته كافية ووافية .

لافي الغيداني
صح السانك وبيض الله وجهك مثل مابيضت وجيهنا\
عوض العياضي
تسلم على نقلك للقصيده ويعطيك ربي العافيه
راجح الغيداني
تسلم اخوي على الخبر الاكثر من رائع
تحياتي
اختكم . بنت عوف