أحبتي ... أطلب من كل واحدٍ منكم أن يمر من هنــــا...

،
أعزائي /
،
السلام عليكم ورحمة الله وبركلته
،
شهر كريم علينا وعليكم وعلى جميع المسلمين
،
من قبل سنة ونصف تقريباً ما كان يخطر في بالي أن يأتي يوم أكتب فيه بيتاً واحداً
،
ولكن .. حدث ما جعلني أهرب من الواقع وأكنب بعض الأبيات ( مجالسي )
،
فكتبنها وجعلتها حبيسة الأدراج .. ولم أطلع عليها منذ ذالك التاريخ حتى اليوم
،
فاليوم الخميس 1/9/1428هـ وبمناسبة الشهر الكريم أخرجتها إلى النور
،
وقد وجهتها لأحد الأقارب أشكو عليه الحال بعد الله ( وهي أول محاولاتي )
،
اللهم لا يجعلكم ترون مكروه ... ( ربما تلامس مشاعر الكثيرين .. من يعلم .. )
،

البارحــــه ياحَمْــــد وانـا لحَـــــالي= ظليْت طــول الليل مشغـول بالــي
سهـــران اعد النَّجــم ممـا جـرالـي=آراقبـة من مطلعـه لَيـْن مَسْــراه
من حـالي اللـي مامـعي فيــه حيلــه= ياويــل من قاســاه ياويــل ويلـــــه
مثـل الذي منصــــاب وانهد حيلـــه= وانــا علـى ما صـابني آه ويــلاه
أسيربين الناس واكْظُم على الروح=النار وَسْط الجوف والقلب مجروح
كِنِّي عليـلٍ مَسْقِي السِّـــم مطــروح=اللي سِقَـوه الســـم حتـى تِسقَّــــاه
أثـَّــرعليَّ اللي في نَوْمِــي يجينــي= يَوْقف على راسي ويمسـح جبينــي
هو مُهْجِتي ياحَمْد هو نـُون عينـي= يـازين ميقــافــه ويـازين ملفــــاه
اللي شِكَـى حـــالٍ بلا ذنْب جالــــه=غيــْر عليــه الحـــال من بعد حالـــه
ماذاق طَعْــم ا لزاد ممــا جرالــــه=يــالله ترفـع عنـــه ماجــــاه يــالله
دوَّرْت وايْن اللي يعَـرْفُــون طِبـِّـه=قالـــوا بعـــد شــافَــوه لازم تُكُبــِّـــه
وليَـاه مالِـه غيـر مــا راد ربــــــه=واللــي انْكتب للعبــد لابـــد يلقـــاه
لاياعيــوني عنـْد مــا فيـه لدَّيـْـت=الدمــع مــن عينــي لفرقـــــاه هليـت
ممابروحي باتْركه وارجع البيت=بعد عِرفْت ان الحلى ساس بَلْـــواه
قفَيْت من عنْــــده وانـــا الِدْ يمِّـــه=والطـرف هل الدمـع من غُـزر دَمِّـه
زوَّد عليَّ الهـم من فـوْق هَمِّــــه= والهـم فـوْق الهــم عزَّيْت لاقـْـــواه
قِمْت اتفكَّر حـال من يحْتِرونـــه=وانــــا معَـــِّود يَمِّـــة البيــت دُونـِـــه
النــوم مما جــاه مــا يرقدونــــه=الصبــر يَنْفَـــذ والعيــــون اتَّحــَّراه
واليوم مالي حيلةٍ غيــر ادا ريـه=اراقبــــه وانــــا عيونـــي تِراعيــــه
الصبر منِّي والفرج عِنْد راعيـه=ومِنْـهُ ترك أمــره لِمــولاه جــازاه
يالله ياللي في الدجى قمت اناجيك=اطلبــك ياالرًّحْمَـن باعْظَـم اسَامِيـــك
ياواحدٍ ماخاب من كان يَـرْجيــك=ياعـــالمٍ بالعبــد سِــِّره ونَجْـــــواه
تلْطُف بعبدٍ يرْفع يديه منصـــاب=الهـــم مثـل الليــل والجُــرْح ماطــاب
واتْتَ عَلِيمٍ بَالْمِسَبِّب والاسْبَـــاب= يالله ياللي تَعْلــم الحـــال ترعــــــاه

صح لسانك

شاعرنا القدير لافي

الشاعر الكبير لافي

صح لسانك وبيض الله وجهك

	الله يـعـطـيـك الـعـافيـــــــــــة على المجالسي وصح لسانك مليون بيض الله وجهك

صح لسانك يالمبدع

مجالسي منظم ورائع

الله يعطيك العافيه ويبيض وجهك

اتمنى لك التوفيق

	المشاركة الأصلية كتبت بواسطة لافي

	،[/font]

	المشاركة الأصلية كتبت بواسطة لافي

	يالله ياللي في الدجى قمت اناجيك=اطلبــك ياالرًّحْمَـن باعْظَـم اسَامِيـــك ياواحدٍ ماخاب من كان يَـرْجيــك=ياعـــالمٍ بالعبــد سِــِّره ونَجْـــــواه تلْطُف بعبدٍ يرْفع يديه منصـــاب=الهـــم مثـل الليــل والجُــرْح ماطــاب واتْتَ عَلِيمٍ بَالْمِسَبِّب والاسْبَـــاب= يالله ياللي تَعْلــم الحـــال ترعــــــاه

شكرا أيها ( الخميس) كم أنت يوم رائع ...
أخرجت لنا حروفا كانت حبسة الأدراج ...
أنجدتها من غياهب الظلام وأنرتها بشعاع الملتقى ...
الشاعر الكاتب المثقف / لافي ...
حقا ألجمتني بأي لقب تريدني أن أناديك ...
بالشاعر الذي أحسن نظم الكلمات فكانت لنا عقدا من
ترنمات الشعر ...
أم بالكاتب الذي يحسن صياغة الكلم ...
أم بالمثقف الذي له ردود تنم عن ثقافته الحقه
وأنار بها متصافحاتنا ...
ولكني أردت مزجها فهالني ما رأيت ...
حفظك الله من كل مكروه ...
وأدام للملتقى نور فكرك وحسن خلقك
وجمال كلماتك ...
.
.
.
أعذرني يا أيها .... لك ما اردت ...
تحية بحجم سماء العلم ...
لمعة الجليد..

سلمت وصح الله لسانه

مجالسي وافي من وافي

لا هنت

وتقبل تحياتي

بن فرهود الحربي

نص رائع وجزل

صح لسانك ودام ابداعك

سجل اعجابي ومتابعتي

صح لسانك يالافي ويعطيك العافيه ............

صح لسانك وبيض الله وجهك