احد الطرفين متهوم //

هذه القصيده قلتها اهداء للمرحوم الشيخ / محمد بن عوض بن سرور العلوي الحربي احد وجهاء قبيلة حرب في محافظة حفرالباطن وذلك قبل وفاته وذلك اعجاب مني بمساعيه الطيبه الحميده والمعروف عنه دائما رحمه الله

يابو عوض ياريف من قال وينك=يلقاك في رجم الشرف دايم الدوم
لياجاك ونيان الجهد يستعينك=متحيرٍ فكره مثل قاعد النوم
تفرح لياشدت يمينه يمينك=من عقب مايمشي عن الدرب منجوم
ان جاء بعيد الناس وان جاء خدينك=يضحك حجاج اللي تنصاك ملزوم
قولة هلا يامرحبا في جبينك=يوم الردي كنه على الخشم ملطوم
فزت بشرف دنياك وامور دينك=لاجايبٍ نمه ولا ناقل زوم
دايم رفيقك كنه اصبي عينك=عن مايمس اشعور صاحبك معصوم
الله يمهل في توالي اسنينك=ياللي طواريقك بعيدٍ عن اللوم
شرحت وضعك والعرب عارفينك=يدفعك للعليا تقاليد واسلوم
وبعض البشر لو تعتزي به يهينك=لازم يحط برفقته رايحة ثوم
نوبٍ رفيق ونوب يجرح كنينك=مثل الطعام اللي على الكبد مردوم
عجزت لا افهم يازماني رطينك=لكن عرفت ان العسل منك مسموم
ماينتفسر بين خبثك وزينك=لاقول لك طاهر ولا اقول مذموم
مدري ندين الناس والا ندينك=يبدي لنا احد الطرفين متهوم

صح لسانك وانا اخوك على هلقصيدة الأكثر من رائعة

من شاعر جزل ومتمكن ..

شكرا ً لك من الأعماق على هذا الحضور وهذا الابداع

وتقبل خالص تحياتي وتقديري

ابوعبدالله النويمي

صح السانك ولاهنت

قصيده رومانسيه من شاعر رومانسي

لك تحياتي

	الله يـعـطـيـك الـعـافيـــــــــــة على القصيده وصح لسانك مليون بيض الله وجهك

صح لسانك على هالرائعه

بيض الله وجهك

صح لسانك يالذيب

.. ولاهنت

نص راقي ..و عذب المعاني .. !


سلمت مشاعرك ..


دمت بـ إبداع

صح لسانك وعلا شانك

والله يعطيك العافيه على القصيده الجزله

بيض الله وجهك

تحياتي

ارحب تراحيب المطر والله يحييك

صح لسانك وسلم فكرك

رايعه بروعة حضورك

لاخــلا ولاعـــدم

لك فائق احترامي وتقديري

حضور راقي ومصافحه رائعه
قصيدة كلها عذوبه وجزاله
تدل على جزالة قائلها

تحياتي

	المشاركة الأصلية كتبت بواسطة عضيب بن هليل

	هذه القصيده قلتها اهداء للمرحوم الشيخ / محمد بن عوض بن سرور العلوي الحربي احد وجهاء قبيلة حرب في محافظة حفرالباطن وذلك قبل وفاته وذلك اعجاب مني بمساعيه الطيبه الحميده والمعروف عنه دائما رحمه الله يابو عوض ياريف من قال وينك=يلقاك في رجم الشرف دايم الدوم لياجاك ونيان الجهد يستعينك=متحيرٍ فكره مثل قاعد النوم تفرح لياشدت يمينه يمينك=من عقب مايمشي عن الدرب منجوم ان جاء بعيد الناس وان جاء خدينك=يضحك حجاج اللي تنصاك ملزوم قولة هلا يامرحبا في جبينك=يوم الردي كنه على الخشم ملطوم فزت بشرف دنياك وامور دينك=لاجايبٍ نمه ولا ناقل زوم دايم رفيقك كنه صبي عينك=عن مايمس اشعور صاحبك معصوم الله يمهل في توالي اسنينك=ياللي طواريقك بعيدٍ عن اللوم شرحت وضعك والعرب عارفينك=يدفعك للعليا تقاليد واسلوم وبعض البشر لو تعتزي به يهينك=لازم يحط برفقته رايحة ثوم نوبٍ رفيق ونوب يجرح كنينك=مثل الطعام اللي على الكبد مردوم عجزت لا افهم يازماني رطينك=لكن عرفت ان العسل منك مسموم ماينتفسر بين خبثك وزينك=لاقول لك طاهر ولا اقول مذموم مدري ندين الناس والا ندينك=يبدي لنا احد الطرفين متهوم

صح لسانك وعلا شانك

والله يعطيك العافيه على القصيده الجزله

بيض الله وجهك
,ورحمة الله على محمد العوض وسكنه فسيح جناته
تحياتي