خــــــــــــــــــــلاص

خلاص انا طويت الاوراق واقفيت=ولاعاد لي في ماض الايام رده
كل الايام الماضية ماتهنيت=تعبت من جور الليالي وعده
مارجم الا فوق راسه تعليت=راع الهوى الولهان محدٍ يرده
واليوم يابن طراد اقفيت وانحيت=اتعبت رجليني بمشيه وكده
ياماعليها صافي الدمع هليت=واليوم يابن طراد حالي ترده
قررت ان انتحي والزم البيت=طرد المقفي كل حيلك يهده
لاصار مايفزع لياصحت واوميت=لابد اهين القلب عنها واصده
ابعد ولاتطري علينا التلافيت=يكفي نعيش بذكرياتٍ نوده
ليامن ذكرته قمت اجر التناهيت=أذكر ليالن يوم يده تمده
هاضت شجوني يوم للحي مريت=ياليت جدي يابوعاصم بجده
رح في طريق الخير ياعالي الصيت=دخلك دخيلك احتفظ بالموده
لاتكشف الأسرار لبعض الطواغيت=أخاف يظهر للحواسيد سده
الله يحلك كل ماصبحت وامسيت=في جاه من ترجي المخاليق مده
ابي السموحة كان في حقك اخطيت=بلكي نتلاقى يوم نرحل وارده

	الله يـعـطـيـك الـعـافيـــــــــــة على القصيده وصح لسانك مليون بيض الله وجهك

صح لسانك وسلم بنانك



قصيدة رائعه بروعة حضورك



لك تقديري

صح السانك



وعلي شانك



وبيض الله وجهك

	الشاعر : وافي الزغيبي صح لسانك و بيض الله وجهك

حضور راقي ومصافحه رائعه
قصيدة كلها عذوبه وجزاله
تدل على جزالة قائلها

تحياتي

حكمة وجزالة ..


صح لسانك

صح لسانك أخوي وافي

	كلمات تلامس القلب .. و تحمل الكثير في معانيها .. وطيات حروفها... صح لسانك عدد بلا مدد

	كـتـبـتَ .. فـ .. أبـدعــت ... صـ لسـانـكـ ـح .. مــدد .. بـ .. لا .. عــدد .. دمــتَ .. كمـا .. أنــت .. بـ انتظـار .. الـ مـزيـد .. أخي .. الـ كـريــم .. /