 |
 |
 |
 |
|
 |
||||||||
 |
|
 |
||||||||
 |
 |
|||||||||
 |
|
 |
||||||||
| مــلتــقــى دواوين شــعــراء الــقــوافــي [ جميع الشعراء ] |
 |
|
|
أدوات الموضوع | إبحث في الموضوع | انواع عرض الموضوع |
|
|
|
|
|
|
||||||||
|
|
|
||||||||
|
|
|||||||||
|
|
|
||||||||
| مــلتــقــى دواوين شــعــراء الــقــوافــي [ جميع الشعراء ] |
|
|
|
أدوات الموضوع | إبحث في الموضوع | انواع عرض الموضوع |
23-08-25, 06:36 AM
|
#291 | |
|
مستشار القوافي
|
يابدر فينا لو تطول اليالي
لابد مانمشي طريقٍ مشيته عمر الفتى تاليه عجز وزوالي اما بكاني حي والا بكيته مرحوم ياحلو النباء والقبالي ياخيرٍ باقي مع الحي صيته رحلت عنا ياكريم السبالي حزنك يابن ناحل بقلبي شكيته يابو فهد بعدك ترى ضاق بالي لو اقدر المرقاب قمت ورقيته عسى يخفف ضيقتي راس عالي ورتاح في عاليه ساعة بديته ادري ماعمره رد غالي لغالي لكن من مافي ودي نصيته اهبي يادنيا قصيرة حبالي كم حي قفت فيه من وسط بيته عجاب صالح الحنتمي |
|
|
|
02-09-25, 06:05 PM
|
#292 | |
|
مستشار القوافي
|
شايب لسانه طول حبل المحاله
ويديه عن كل المراجل قصيره على الردى كنه موكل وكاله حقير والنفس الخبيثه حقيره ياعل مافال الرجاجيل فاله به من صفات البيض خسه وغيره نمام جعل الموت يقصر حباله وان عاش جعله بين هم ٍ وحيره هرج القفى والنمنمه من خصاله مفضوح مابه طيب راس وستيره تكرم رجاجيل الوفى عن قباله شرواه حطوله علف بالحضيره تقول عشبه طالعه بالدماله لو اثمرت ماعاد فيه بريره عجاب صالح الحنتمي |
|
|
|
|
09-09-25, 11:55 AM
|
#293 | |
|
مستشار القوافي
|
يناشدن عني ومنهو خوالي
عجاب ابن صالح خوالي رحامين حمود ومحمد بعاد المدالي وصلاح مع صالح رجالٍ عزيزين اكرام ساس اكرام باول وتالي نعم الخوال مرجحين الموازين اولهم اللي في نهار القتالي ماينكسر بالكون وسط الميادين وحفادهم كلن يروم المعالي متعلمين وفاهمين القوانين ارجال مافيهم قصور وخمالي للضيف دايم فاتحين الدواوين مع الشبب حلو النباء والقبالي وفنجال للعمسان يشفي من البين عنهم لو اكتب كل ليله مقالي قليل في حق الخوال الوفيين عجاب صالح الحنتمي |
|
|
|
|
15-09-25, 07:39 PM
|
#294 | |
|
مستشار القوافي
|
يالموت خذ خبلٍ كبيره علابيه
يميل المعلوق لوهو ذبيحه الله سبحانه من المال معطيه ويديه عن فعل الجمايل شحيحه يامكثر علومه وماكثر دواديه ماغير تسمع بالمجالس فحيحه ومهل لقرم ٍ تعتزيبه بنيخيه صحريح ويحب العلوم الصريحه كريم مايملك من المال يعطيه محشوم عن كل العلوم القبيحه رجال عرفه في حياته يقديه نصيح ويحب الرجال النصيحه سواة سلمان الوسيمه وطاريه كريم سبلا والسوالف مليحه ياعل تبطي يالعوارف لياليه افخر بمثله وتعمد مديحه ورجال ماودك دقايق تخاويه مامن وراه الا الندم والفضيحه تم الكلام اللي ثمينه معانيه ومن لابغاه الدار قدمه فسيحه عجاب صالح الحنتمي |
|
|
|
|
21-09-25, 10:41 AM
|
#295 | |
|
مستشار القوافي
|
من ماتشوف العين في تال الازمان
ياشيب عيني من زماني وطاريه مافيه أمان ومابقي فيه طدقان غير القليل ومايجيبه يوديه يابري حالي فيه ياكثر الاحزان من يوم طاح اللي عسى الله يعافيه ياما نقل حملي على روس الامتان طلال يامعبود تمهل لياليه بعده تراني بين شعله ودخان همي يخم القلب ساعه ويخطيه حتى علاجي يصرفه كل الاحيان وباقى مواعيدي لها حط تنبيه ماشيل هم اليا حضر طير حوران طهور ماصابه عسى الله يشافيه بعده تراني شبه عاجز وبلشان وحار القدم والقلب كثرة طواريه عجاب صالح الحنتمي |
|
|
|
|
30-09-25, 10:27 AM
|
#296 | |
|
مستشار القوافي
|
مشيت قبل الصبح تطلع مواريه
وطلبت من رب العباد التساهيل من فوق ددسن نازح البعد تطويه لو ان ساهر صار ليه عراقيل من الرياض اللي عسى االوبل يسقيه مافيه وادي غير يدرج معه سيل على القصيم اللي نحبه ونغليه مسكان حلوين النباء والتعاليل اخواني اللي طيبهم نفتخر فيه وعيالهم وحفادهم من رجاجيل وجميع طيب نفتخر به ونغليه والله مانبخص مع الطيب الكيل لنا وعلينا للنشاما مشاريه والا الردي ماله علينا مداخيل مانمشي دوربه وماتقتدي فيه لو قال انا راعي مواقف وتكميل عجاب صالح الحنتمي |
|
|
|
|
22-10-25, 07:38 PM
|
#297 | |
|
مستشار القوافي
|
يالله يامخرج من الحوت ذنون
انت الوحيد اللي عليك اعتمادي يغافر الزله ويخالق الكون علام ماب نفوسنا والفوادي اشف الثنين اللي عليه يعزون من بعدهم عفت الهنا والرقادي بدر وطلال اللي بحالي يروفون ليه مثل نورٍ يبدد سوادي من بعدهم كني مقيد ومسجون اشيل هم وماتحقق مرادي اهيم لاصاحي ولاني بمجنون وعيف شربي لاطرولي وزادي الحال والاوضاع من دون في دون وفوضت من يرزق جميع العبادي عجاب صالح الحنتمي |
|
|
|
|
28-10-25, 02:07 PM
|
#298 | |
|
مستشار القوافي
|
هذا ولد راشد بعيد المشاويح
احمد مفرح راعي الاستقامه في مجلسه للضيف كيف ومفاطيح رجال فارض هيبته وحترامه طحطوح من روس الرجال الطحاطيح عيال راشد حي من هو حزامه اهل الكرم يوم اليالي شلافيح ابيوتهم للضيف فيها كرامه واهل السيوف الحدب يوم المصابيح كم اجدعو من شيخ يوم القوامه قبل الامام يصحح الوضح تصحيح عدوهم يبشر بقل السلامه وختامها عسى السحاب المراويح يسقي ديار متيهين الجهامه عجاب صالح الحنتمي |
|
|
|
|
16-11-25, 09:29 PM
|
#299 | |
|
مستشار القوافي
|
اهد للاخ مقبل مشعل سنيد الضاهري
جيب القلم واكتب مايمليه عجاب عجل وسجل للبيوت الجزيله اخترت من جزل التماثيل ماطاب نقع الصفى من بارقٍ قمت اخيله مايستوي في مدح خايب وكذاب وخبلٍ مع العربان يومي شليله ضحوك سن وداخله ريشة غراب كن الردى في كل ديره وكيله المدح يزها ياعريبين الانساب مقبل لاعل ايام عمره طويله دله وصينيه ومده وترحاب هذا يروح وذاك ياتي بديله في طيب راع الطيبه كلي اعجاب مقبل ولد مشعل ونعم القبيله عيال ظاهر يومها شلف وحراب دقلاتهم على المعادي ثقيله الصدق مادونه امغالط ومجناب كلام من عقله بقوله دليله عجاب صالح الحنتمي |
|
|
|
|
23-11-25, 01:08 PM
|
#300 | |
|
مستشار القوافي
|
ماتصفي الايام دايم على حال
من مرها ماعاد نطعم حلاها ياما خذة من خيرة الناس رجال والحي فيها ماسلم من شقاها فيها الحضيض اللي كسب راحة البال والناس سالم بالزمن من غثاها ماله ومال الخلق رجلي وخيال عن مايغث البال قاصر خطاها وان شاف له وادي خلا تو ماسال الصبح خلا النفس تلحق هواها مع خوة اللي للخوي غيث وضلال مثل الجبال اللي يذري ذراها رجال مافيهم ملاقيف وخبال يجلون عن كبد المعنا صداها شروى خليف معرب الجد والخال تطرد عماسي دلته لاجذاها فنجالها يسوى ثلاثين فنجال ابو فلاح وكل جزله حواها عجاب صالح الحنتمي |
|
|
|
|
|
|
|
|
 |
 |
 |
العرض العادي
