ماني وانا راع المواقيف هدام

اسمع كلام يروجونه من العام
ناس ٍ تحاول شق صف القبيله

والعلم يبغاله محنك وضرغام
رجال عرف ومايحوش الفشيله

مايطيح في حقل المشاكل والاغام
منصف ومايسمع سوالف دخيله

أ فة صحيفتا حبر بعض الاقلام
من حبرها المسموم فوق الوسيله

ماقيل تال الوقت في بعض الاعلام
عن دفنة الركبه نسميه غيله

لعيال سالم من يمنها اليا الشام
كلام عندي شاهده مع دليله

تخصيصها ليت طرف عيب وثام
ومن قال ابن دومان مخطي يجيله

بالطيب والا بالردى يقدم اقدام
ينظر سما ويشوفني بالطويله

ماني وانا راع المواقيف هدام
انا خزام اللي مضيع دليله

حربي وحرب اعدها درع ووسام
المحزم المليان وقت الثقيله

من دونها لو الفشق يرزم ارزام
مارجع ورا والدم نفس القصيله

واللي بدمه مشكله يحجم احجام
ويدور اللي بالعرب ينتميله

قدام ياللي تفهم العلم قدام
وخلاف يامومي براسه وذيله

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وسلم بنانك

صح الله ابداااااانكم الجميع

صح لسانك وسلم بنانك



قصيدة رائعه بروعة حضورك



لك تقديري

صح الله لسانك
ولاهنت
وسلم فكرك وبنانك
دمت برعاية الله وحفظة