( ليال العيد بانت من عاصاريها )

هلال العيد من دونه مخايل
وليال العيد بانت من عاصاريها
وصدّق ماتشوفه من هوايل
مادام القوس ماهي عند باريها
يزيد القيض في عزّ القوايل
ويكافِح حرّها من كان ضاريها
جِهاد النّفس يعدِل شور مايل
يخطّيها وصعب إنه يداريها
وينال الفوز بالعشر الاوايل
طَموح النّفس لحلامُه يزاريها
ماكُلّ ماراح تلقاله بدايل
لاجاتك فُرصتك خلّيك شاريها
وطيش العقل يدفع كُل عايل
على الزّلة وتظهربه مواريها
وخطاب النّاس يعطينا دلايل
عن دروبٍ تعلّق في مساريها
وترك اجدالها يُحسب جمايل
وتخسر ودّها يومك تماريها
تبور الكتب في إصال الرّسايل
إذا عنوانها مايسُرّ قاريها
عطيتك علم عنه الشّك زايل
تجارب فالحياة وجبت طاريها
الأرض إن طوّلت عنها المخايل
لابُد الما يعوّد في مجاريها
الشّاعر/ خالد بن عبيد بن معتوق الأحمدي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وسلم بنانك

صح الله لسانك
ولاهنت
وسلم فكرك وبنانك
دمت برعاية الله وحفظة