الطيب ما يلحق مع الوقت راعيه

الطيب ما يلــحق مـــع الوقت راعيه
الاولــه لــــه مـــن قــديــم مــعــروفه

قول صحيح من أكثر الناس نوحيه
كسب الـــجــمايل غــاية ما تطوفه

وان كــان ودك بـــاي حالٍ تجازيه
عليــك حــمــلٍ مــن جميل معروفه

ودك ولا في يـــديــك شيٍ تسويه
حــــاديك وقـــتٍ يعـلم الله ظروفه

ارفع يــديك بــدعــوةٍ منك تكفيه
وانت بجلوسك دون جهد وكلوفه

في ظـهر غيبٍ ما احدٍ مطلع فيه
الا الـــذي يشــوفــنا ما نشوفه

يســعده حي ولا تــوفاه ينجيه
نــهــار مــا يــومن عذابه وخوفه


اخير مــن مـــالٍ تحــــطه بــايديه
في ظل دنياً مــا علــيها حســوفه

يمكن يروح بشي ما هوب مرضيه
خســــارة مــا هي علــيه مـخـلوفه

شموخ الأصيلة

صح لسانك شموخ نص شامخ كشموخ صاحبته
قصيده رائعه من أولها إلى أخرها ما شاء الله
(كسب الجمايل غايةٍ ما تطوفه)
نعم راعي الأوله ما يلحق مثل ما قالوا
هذا و دمتي بخير و عافيه

	المشاركة الأصلية كتبت بواسطة محمدالعيسى

	صح لسانك شموخ نص شامخ كشموخ صاحبته قصيده رائعه من أولها إلى أخرها ما شاء الله (كسب الجمايل غايةٍ ما تطوفه) نعم راعي الأوله ما يلحق مثل ما قالوا هذا و دمتي بخير و عافيه

صح بدنك

تدوووم ايامك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك
ووجهك أبيض

صح لسانك اختي
لا عدمنا ابداعك

	المشاركة الأصلية كتبت بواسطة الأنامل الفضية

	صح لسانك اختي لا عدمنا ابداعك

صح بدنك

تسلمي لاعدمت وجودك

صح الله لسانك
ولاهنتي
وسلم فكرك وبنانك
دمتي برعاية الله وحفظة

صح السانك
مبدعة ومتميزة

	المشاركة الأصلية كتبت بواسطة فهد ابن غانم

	صح الله لسانك ولاهنتي وسلم فكرك وبنانك دمتي برعاية الله وحفظة

صح بدنك

ماتهون أشكرك ع التعليق المميز