فــ محاوره ـــرسانها :- صياف *** حبيب //| ياللي تكلم وانت مالك براطم |\\

اسعد الله اوقاتكم جمياً
نقلكم ذهنيناً وخيالياً الى جو هذه المحاوره والتي دارة بين شاعر الخليج الرمز الراحل ( صياف الحربي والشاعر الكبير حبيب العازمي ) امل ان تحوز على رضاكم كما اني اعتقد ان هذه فقط اجزاء منها وليس المحاوره كامله

صياف شاعر يشقر القاف شقرا=والليلة امسىذيب في شرق شقرا
وان حصل له من الخيل شقرا =هذا الصحيح وقولوا اللي تقولون
بيني وبينه علوم مثل صرف الجناه = ما بيننا منكرا ما بيننا منكرا
اللي رسم رسام والراس مالي =بغى يقر المخ والراس مالي
وانا ما اضيع شيء من راس مالي=هذا الصحيح وقولوا اللي تقولون
اما عطيناك سيف اذياب والا عصاه= ولا بلا شي ترى والا بلاشي ترى
ياللي تكلم وانت مالك براطم = ترى البحر لصبح هدا وان سرى طم
والعظم الايمن من يمينك تحطم = هذا الصحيح وقولوا اللي تقولون
حنا ترانا من البارح مسكنا الجناه = لا حولوا من كرا لا حولوا من كرا
الا علامك يا الغليم تذكر= والناس يبنون المؤنث مذكر
واللي يذكرك السوالف ماذكر= هذا الصحيح وقولوا اللي تقولون
حنا نطيع المطوع والغشيم انعصاه = وان كان عينك ترى وان كان عينك ترى
حنا تشاورنا وقلنا وش الراي= وتقول وسط السوق بايع وشراي
واقول عندك علم خيري وشراي= هذا الصحيح وقولوا اللي تقولون
والعلم دينه تعرفه فيه ذيب وشاه = والحصن يا الا زهرا والحصن يا الا ازهرا
دخان ما لبورو ما يطلع كما كنت = واطلع وترجع يا صحيبي كما كنت
واللي عطاك السر واحد كماك انت = هذا الصحيح وقولوا اللي تقولون
المتهم متهم حتى يطلّع براه = يقال هذا برا ويقال هذا برا
انته عمش والا عيونك تعمش = والا بلاك الله بصك مهمش
مثل العمى بين الكباري تطمش = هذا الصحيح وقولوا اللي تقولون
اتقول في الركعة الاولى انت وشاه = يا مؤذن الازهرا يا مؤذن الازهرا
يا سرع مشي العازمي وسط ركبه = الله خلق له ساق من غير ركبه
ون حصل الجني على الخط ركبه = هذا الصحيح وقولوا اللي تقولون
يالعسكري ليلة الجمعة رميت البراه = والناس تمشي برا والناس تمشي برا
اللي بضؤه في الظلام يتوضى = عؤد وصلى ركعة ما توضى
ياللي حفظت الميم والنون والضا = هذا الصحيح وقولوا اللي تقولون
لومنت منبع فقر يمكن تجيك الغناه = حربي وليلك سرى حربي وليلك سرى
صياف هذي ورثته عقب جده = ماغير يصيد الحوت في بحر جده
وحنا عرفنا ويش مزحه وجده= هذا الصحيح وقولوا اللي تقولون
ياكاتب الخط خطك كل واحد قراه = من باقي ٍ ما قرا من باقي ٍ ماقرا
لا والله إلا طحت فوق النشايب = والجاهل اللي في اخر الوقت شايب
لا تمرح الا في الديار العشايب = هذا الصحيح وقولوا اللي تقولون
اسمك ورسمك ترانا من زمان الغناه = والعظم منك اشترا والعظم منك اشترا
انت اجودي لكن ضاري على النقش = شفتك في وسط القهوه اللي ورى العتش
وان كان فتشناك ماتقبل الفتش = هذا الصحيح وقولوا اللي تقولون
شفتك تدور على الضبان أعلى قراه = في نجد ما شي قرا في نجد ما شي قرا

ربما تلاحظون اختلال في وزن بعض الابيات وانا لا اريد تعديلها من راسي لعل يكون لدى البعض معرفة ما كان مفقود وسبب الخلل ,, المحاورة منقوله كماهي من مطبوعه اعلاميه
وسلامة الجميع

الله يعطيك العافية

ونبغى محاورة صياف مع الكويتي محيا ضيعت اسم ابوه
ومحاورة صياف مع مطلق ومستور يوم الجامعة يوم قال لهم صياف ترى خصيمكم بالآخرة المسعودي.


الله يسكنك الجنة ياصياف

يعطيك العافيه على المحاوره...
بارك الله فيك ...
تحياتي

	المشاركة الأصلية كتبت بواسطة سلطان الغيداني

	الله يعطيك العافية ونبغى محاورة صياف مع الكويتي محيا ضيعت اسم ابوه ومحاورة صياف مع مطلق ومستور يوم الجامعة يوم قال لهم صياف ترى خصيمكم بالآخرة المسعودي. الله يسكنك الجنة ياصياف

والله يعافيك ياخوي سلطان شرفني مرورك وطلبك ابشربه متى ما توفر عندي شي منه لان ابخل بذلك فكل ما اجده يخدم القبيله هو من حق القبيله ومن حق هذا الصرح الشامخ ( ملتقى حرب )
شكرا لمرورك
ورحم الله صياف الحربي

الله يـعـطـيـك الـعـافيـــــــــــة
بيض الله وجهك

أبو مهند

بيض الله وجهك على النقل الرااااااائع

و رحم الله

صياف الحـــــ معجزة الشعرـــــــربي

بيض الله وجهك

الله يعطيك العافيه

	المشاركة الأصلية كتبت بواسطة ابوروان النويمي

	يعطيك العافيه على المحاوره... بارك الله فيك ... تحياتي

عفاك الله اخوي : ابوروان النويمي

اسعدني وشرفني مرورك العطر

تحياتي لك

	المشاركة الأصلية كتبت بواسطة الحب الباقي

	الله يـعـطـيـك الـعـافيـــــــــــة بيض الله وجهك

ووجهك ابيض اخي الحب الباقي

الله لا يهينك تشرفت بمرورك العطر