( إلى عموم الشُّعراء )

لكُل شاعر جاه مضمون قافي
بنشد ولا عندي من النّشدة إحراج
اللي قراه يجود والبال صافي
ابردّ وافي فيه للعلم مخراج
ضقنا من الحالة وقلنا ياكافي
تهيّج القولون نلقاله علاج؟؟؟
ولّا مُجرّد أدويّة ماتشافي
تهدّي العارض ويرجع للإزعاج
ويثور بعض أحيان من شي خافي
يقلب مزاجك فيه وتصارع امواج
ولا نطقنا غير حمد وعوافي
نصبر على العلّة ونبشر بالإفراج
لاجاكم المكتوب من رجل وافي
الشّاعر المُبدع على كتفه التّاج
يرُد في قافه على نفس قافي
لاصار مافالعلم والنّشدة إحراج

الشّاعر/ خالد بن عبيد بن معتوق الأحمدي








https://twitter.com/dywanitharb/stat...848369155?s=08

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك
واتمنى تفاعل الشعار
لنستمتع بحوار شيق

الحُب الباقي
صح بدنك

عساك عالقوه ان شاء الله يبوعبيد صح لسانك

صح الله لسانك
ولاهنت
وسلم فكرك وبنانك
دمت برعاية الله وحفظة