مساجله مع الشاعر فهد سبيل الهبيري

الشاعر فهد محمد الهبيري

لاصبو الفنجال والهيل به خن

على سعد عدوه ياهل الفناجيل

اغلا من الدولار واغلا من الين

شطرٍ لبن دومان وسط الرياجيل

والليا وزنت الشطر وزنه يجي طن

صافي ذهب مافيه شك ومداخيل

ياهل الشعر فنه ترا يفرق الفن

ماكنه الا من ورا الجدي وسهيل

***************
رد الشاعر سعد المحمدي

يالله ياللي للمخاليق مزبن

عليك في كل الامور التساهيل

من بعد ذكر المعتلي للشعر حن

هاجوس شاعر مايجيب المهازيل

هلا هلا ياللي له الصعب يذعن

دايم بيوته بالمعاني محاميل

نزيه يابعده عن الشك والظن

فدوه عميان القلوب المعاليل

خذ اختصار العلم ظاهر وباطن

ياطيب المعدن عشير المشاكيل

الشعر له راوي وهادم ومتقن

في كل دار وكل ياصاحبي جيل

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحة السنتكم
بيض الله وجيهكم

صحــت السنتكــم
دمتم برعاية الله وحفظة

صحت السنتكم على الكلام الجميل