حفل زواج الشيخ سلطان بن طعيسه

*عسى الله يجملني وجملك ياسلطان*
*وجمل قبيلة حرب شيخان وافرادي*
*ورد الجميل اللي عليه كبر ورقان*
*من اللي لهم بالطيب مصدر وميرادي*
*ياشيخ الشداد اللي ورثته من الجدان*
*حقايق وثايقها بهجري وميلادي*
*قبل بالبلاد الطاهره تامن العربان*
*تجيرون من حاديه في دنيته حادي*
*اهل منسفن يشبع به الجار والضيفان*
*واهل بالزمان الملتهب سرج وشدادي*
*حضوري زواجك يارفيع النسب وشان*
*علي الحرام انه شرف لي ومرادي*
*انا محمدي وعد نفسي من الحصنان*
*مساء اليله اللي كنها صبح الاعيادي*
*هلا مرحبا بالضيف والجار والصدقان*
*تحية محبه تشبه المسك والكادي*
*تعم الحظور وتفرق الوزن بالميزان*
*لها من عصر في داخل الجاش رعادي*
*ياسلطان راع الطيب والمحزم المليان*
*وسيع البنود وللخوي عون وسنادي*
*عسى ابوك منور راعي الجود والاحسان*
*يظله نهار البعث في ظله الهادي*
*رحل والعوض في راسك اللي سطر مليان*
*ياراع الوفى والطيب كساب الامجادي*
*بعد مادخلت البيت مع واسع البيبان*
*تبا تشوف في دنياك مخلص وحسادي*
*يجيك البعيد
ابثوب صادق من الصدقان*
*ويجي من عباتك جاحد الملح وزادي*
*لاوصيك وانته ماتوصى كفو وحصان*
*مايخفاك ماقوله على روس الاشهادي*
*سما ياولد منور سما والعلوم اسمان*
*على ساقة الاسلاف حامين الاذوادي*
*خذ العلم ياريف النشاما مع البرهان*
*على الطيبه معذور لو تقطع الوادي*
*يقوله من الشعار شاعر وسيع بطان*
*مع الدرب مايمشي مخالف ومتحادي*
*يعرف الرجال وبالمجادل فصيح اللسان*
*ولو الطيبه عبر الفضا صار روادي*
*اخير الكلام المختصر والكريم امعان*
*ترى من عرف شعبان مايجهل اجمادي*

عسى الله يجملني وجملك ياسلطان

تجملت وزود ولايستغرب

صح لسااااااااانك ملاااااااين

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة ابوهليل

	عسى الله يجملني وجملك ياسلطان تجملت وزود ولايستغرب صح لسااااااااانك ملاااااااين

الله يجمل حالك يابو هليل

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك يابن العم

الشاعر/ سعد المحمدي صح لسانك بحجم الكون /

تحياتي لمقام سموكم الكريم :

	المشاركة الأصلية كتبت بواسطة نجم حـرب

	الشاعر/ سعد المحمدي صح لسانك بحجم الكون / تحياتي لمقام سموكم الكريم :

صح بدنك وماعليك زود

صح الله لسانك
ولاهنت
وسلم فكرك وبنانك
دمت برعاية الله وحفظة