قصيده ترحيبيه بالشيخ عبدالله الرباح الطعيميس

بسم الله الرحمن الرحيم

قصيده ترحيبه بمناسبة
زيارة الشيخ عبدالله بن رباح الطعيميس للعم العزيز دعيع الشماس بهجرة الثماميه

بسم الذي نزل نبيه كتابه=المانع المعطي كثير الوهايب..
تحت السماء ينشي ويمطر سحابه=باسمه بديت القول مابه شوايب..
المبتداء ترحيب قلته نيابه=يامرحبا عداد رش السحايب..
وعداد ماخط القلم بالكتابه=وعداد ماهبت هبوب الهبايب..
باسم الذي لضيف فيه الحبابه=دعيع بن شماس واف الوجايب.
من شبته لليوم ماصك بابه=طول السنه للبن يشعم لهايب.
بسمه هلا بالشيخ يامرحبابه=ماغرد القمري بروس الجذايب.
شيخ الشيوخ الي يذري جنابه=ماهو بشيخ شيخته لنهايب.
عبدالله الرباح ويحسب حسابه=وقت المسره والا وقت للمصايب
كم واحد مضيوم جاه ولجابه=بامر الولي تروح كل السبايب.
واليا فزع بالجاه يلقى الرحابه=عند العرب قاصين والا قرايب.
عليه فعل الطيب مابه غرابه=سليل شيخ فخر حرب الحرايب.
مدفع قبيلة حرب ساطي صوابه=واليا احتمى الميقاف ماقيل غايب.
دون القبيله درع كلن درابه=حلون بحال وبحال علقم شرايب.
رباح مامثله ولا له مشابه=يالله عساه بجنة الخلد طايب.
وقدام لانهي مابدينا خطابه=لدار والحكام يلزم وجايب.
المملكه بيدين راع المهابه=حاكم يقود الشعب والراي صايب.
سلمان سيف العدل كفه نصابه=بالعدل كل الشعب صارو حبايب.
والحر عقب حر مثله يشابه=ولي عهده للعداء سم ذايب.
دون الوطن زيزوم ويحمي ترابه=والمال ماهو للطماميع سايب.
نجم سطع نوره بمقدم شبابه=لدار واهل الدار نعم الكسايب.
تميت قافن قايلينه نيابه=يامرحبا عداد رش السحايب.
والختم مازار الحرم واستعابه=صلاة للمرسول وكل الصحايب.

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك يابو هليل
والشيخ عبدالله يستاهل
شيخ من بيت مشيخه

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك لاهنت مشكووور

صح الله لسانك
ولاهنت
وسلم فكرك وبنانك
دمت برعاية الله وحفظة