هذا الصحيح اللي عليه المعاديل

للطيب يامقبل زمان ورجاجيل
ماكل من يبغاه يقدر يسويه
دايم على الرديان صعب المناويل
قمة جبل يالقرم صعبه مراقيه
وانته على القمه فدوك المهازيل
سهاجة الواجب كبار المشاريه
ابعد يابو فيصل من النجم ابو ذيل
عن الردى ياحاضره مثل ماضيه
ربعك حمول الخيل ذباحة الحيل
سترالبنات بيوم ماكبر بلاويه
بني علي يوم النمش والمصاقيل
كم شيخ عن داره غصيبه تجليه
اليا اقبلت باهل السطر قرح الخيل
وثار الغبار وطوح الصوت راعيه
في يوم كنه بالضحى دلجة الليل
ياما ابلجن خلو نواعيه تنعيه
وقصيرهم مايلحقه بالزمن ميل
تبني له البيت المثومن وتعطيه
غنى المطوطح في جزيل التماثيل
كلن درى عن قصته من قوافيه
قال الصحيح الوايلي بالتفاصيل
الله على قول الحقايق يجازيه
ذكر الرجل مايخلده يالمشاكيل
الا فعل عبر الزمن يقتدى فيه
هذا الصحيح اللي عليه المعاديل
ياليت بعض الناس تفهم معانيه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك وسلمت ودمت

يستاهلون بني علي والنعم
وانت كذلك يابوتركي والنعم

صح لسااااانك ملاااييين

صح الله السا
نك لاهنت

شاعرنا الكبير سعد المحمدي
ولاهان منطوقك

الرااقي

صح الله ابدانكم

لاهنت وصح السانك

تقبل التقدير والاحترام

وفقك الله

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك وسلم بنانك

صح لسانك

تحيتي