مرثية في الشاعر الكبير محمد بن شبيب الحداري

لا والله الا راح رمز الجزاله
محمد ولد شبيب الحداري

الشعر حزن وارحم الله حاله
و يضيق من فرقاه كل المداري

الشاعر اللي وافي في مقاله
ينعاه شعراً من جزيل الطواري

عسى الولي يرحمه راع الجماله
ويغفر ذنوبه من صغار و كباري

فقده صعيب و كل شيً و مجاله
ما يرضي الله نكتبه لكل قاري

عزا القبيله في زبون الشكاله
طيب السجايا حازها بالمساري

وإلا العزا موصول حتى عياله
والله ما يكتب على العبد جاري

بوح الحزن لا صب لي من دلاله
فنجاله العلقم على الكبد ساري

دون القبيله ما ذخر في مقاله
اسمً علم دائم على البال طاري

شعره غزير وطيب الله فاله
خلد لنا شعراً به الكل داري

انشهد انه راح رمز الجزاله
محمد ولد شبيب الحداري


الشاعر / بــدر مـنـور مـطـلـق الـحـداري /

صح لسانك
والله يرحم الحداري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسااانك والله يرحم الحداري

لاهنت وصح السانك

تقبل التقدير والاحترام

وفقك الله

صح لسانك وسلم بنانك

صح الله لسانك
ولاهنت
وسلم فكرك وبنانك
دمت برعاية الله وحفظة