يالي تسب الناس وش تستفيدي

21-04-17, 08:37 PM

بسم الله الرحمن الرحيم
السلام عليكم ورحمة الله وبركاته

دايم يرسل لي احد الاصدقاء قصايد وكلها هجاء وبعد اخر قصيده ارسلت هذي الابيات وامون عليه ويمون علي وقد نالت استحسانه

وقبل ان تكون موجهه له اوجهه لي قبله واقول

ياكثر ماتعطون حسنات للغير = يومٍ عبوسٍ قمطريرٍ شديدي
جميع ماجبتوه فالوقت بيطير= والمشكله لاراح منك الرصيدي
عليك تحط ذنوبهم دون تاخير= كله سبايب سبهم بالنشيدي
خذها نصيحه لاتزيد المخاسير= جنب لحوم الناس تسلم وكيدي
مالك ومال السب يابن المناعير=السب للي مايسرك بليدي
ترى الذي مطلوب زين التعابير= شعرٍ على معناه زاهي فريدي
فالمجتمع ناضر كبار الشواعير=السب ماهو سلمهم بالقصيدي
واليا نوو رجال بحد البواتير = باسمه ينادى زيد والا عبيدي
ورجلٍ بدون سلاح دونه محاذير = ماينقرب لوكان شخصِ مريدي
يالي على كحه تحد المناشير = وصيدك جخاخه غيرها ماتصيدي
وان شفت خصمٍ معتلي بالشناضير = يصير قلبك مثل قلب الهريدي
تميت قولي مانبي منك تبيرير = يالي تسب الناس وش تستفيدي