المشاركة الاولى

الشعر اجيده وافهمه واضبطه ضبط
واتبع قوانينه بحسن انضباطي
ابدع جزيل الشعر وابعد عن الخرط
شعري حسب ذوقي وحسب اشتراطي
اتعب على المعنى واجيبه على الشرط
معنى صريح وفيه معنى احتياطي
بيتي اشده مايجي منفرط فرط
بين المعاني فيه قو ارتباطي
شعري نتايج واقعن يرفع الضغط
واقع نعيشه بالبلاوي يحاطي
ومن لايجيد الغوص يجلس على الشط
يجلس ضعيف الحيل والراس واطي
رجل عليه العلم يسندوينحط
يقلط على الجزلة بليا تباطي
ورجل يصيب الطيب واحيان يغلط
يعني عليه الامر فيه اختلاطي
ورجل عديم الذوق سافل ومنحط
وتكرم رجال علمها علم ساطي
علم يجي غانم وعلم يجي سقط
وكسب المغانم بالصعايب يحاطي
تكبر هقاوينا وترجع وتنحط
ويصير منها شي تحت البساطي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح بدنك ووجهك ابيض

صح السانك وطاب فالك

لاهنت

صح بدنك وعلا شانك الله لا يهينك

صح لسانك.
قصيدة واثق.
وجزل.
ماشاء الله تبارك الله

صح بدنك وماعليك زود

بدايه رايعه

صح لساااااااانك ملايييين

صح بدنك ابو هليل

صح لسانك وبيض الله وجهك