هي لكم من صميم المشاعر ..

معانقة أولى بين محاولاتي وذوائقكم ..

/
\
/
\


يحدك وقـتك القاسي وعدنا بآخر المشوار
إلى من جابتك يمي ظروفك بأسوأ أقدارك

تذكر وقتك الخاين تذكر والزمن دوار
وربي غيرها تعزف حسايف نغمة أوتارك

كذا وألا كذا تبقى الهدايا والورق للنار
وأنا ماني ترى مثلك وبكتم كل أسرارك

تحملتك سهر ياليل ./. كفاية عنها أعذار
كفى مني وفى وألا كفاية ضاع مشوارك

بكمل // أيه .. من دونه بكمل وأشتعل إصرار
أعرفك لانويت الشي يقلبي وأعرف إصرارك

بدينا هـجرها يالله // وذا درب الجفا مضمار
تسابق عنها بعد القلوب وقطعة أنظارك

هنا راحت .. هنا ماتت .. هنا مدري أنا وش صار
وكاد اني أحس بشي موّدع حبّها تارك

هنا كانت نهايتنا / هنا راحت مع التذكار
هنا عدّت .. بنا .. عمر السنين وماتت أفكارك

هنا جتني .. على مركب أمل // ضايعٍ منهار
هنا ردت بنا طول السنين وردّ تذكارك

هنا وان جات سيرتها غيوم وقدرها الأمطار
زبنت القلب يسعفني ملاذي ليلة امطارك

بزغ صبح التعب منك وراسي والجمر سهّار
على نغمات ماضينا سهرت بآخر أدوارك

تذكرت الغلا كله تذكرتك غيوم أشعار
سبب في عرضة إحساسي لـ سكينك ومنشارك

تذكرتك تناديني حياتي وأسألك للجار ؟
تردين وتقولي أنا وش جابني لـ جارك

تذكرتك تقولي لي وش اللي يجذبك وتغار
وأرد عيونك الحلوة وخلي باقي أسحارك

تذكرتك مع عيوبك وزاحت عنها الأستار
تذكرتك مع ذنـوبك تذكرتك مع اوزارك

تذكرت الأنانية وحبك دوم جذب المار
تذكرتك على الماضي / على لبسك / على عارك

تذكرتك على حب الفلوس وعملة الدولار
تذكرتك على شحّك على نفسك بدولارك

تذكرتك على ذنبك وأنا أصنع للعذر أنهار
خلاص العذر ما ينفع وجفّت كل أنهارك

تذكرتك تذكرتك تذكرتك وحان الثار
بلاش الكره والشكه بلاش أتدور لثارك

خلاص أسمع ابكتب لك عبارة فوق باب الدار
كتبت الشعر في خطي اذا تقراه بجدارك

تذكر يومني قلت الملاقى بآخر المشوار؟؟
وهذي جابتك يمي ظروفك بأسوأ أقدارك

خلاص أنسى وأنا بنسى ولابأسمع وراك اخبار
وربي ما يسليني سوا الفرقى عن أخبارك

هنا صديت خليته مع ذنوبه وهو منهار
هنا أيقنت في قلبي مودع حبها تارك


.

.

.





وسلامتكم ...


.


.

أخي الكريم الشمالي

حيرتني يالشاعر في الاقتباس

كلما أخترت بيت لقيت الثاني

أعذب وأجمل

لله درك من شاعر .. تسلم وتسلم

ذائقتك ... لاتبخل علينا وتثري غيرنا

يالشاعر ..

شكراً لإطراءك لي ..


وبوجودك وأمثالك .. لن يكون هناك إلا غيوم من الأحاسيس البيضاء ...


شكراً مرةً أخرى لكلماتك الجميلة ..

.
.
.

بكمل // أيه .. من دونه بكمل وأشتعل إصرار
أعرفك لانويت الشي يقلبي وأعرف إصرارك

صح لسانك اخي الشمالي

معانقه اولى جميله

سلمت يداك

بإنتظار القادم

ارق تحيه

أختي .. حنان الحربي...


شكراً لكل حرف صافح معنى وأتى ليعبر عن إعجابك بالقصيدة ..

كلي إمتنان لمرورك وتشجيعك .. ولك القادم بكل خير ..


.
.

دومي بخير ..
.
.

صح لسانك وعلاشانك



قصيده رائعه من شاعر مبدع



لك تقديري

الله يـعـطـيـك الـعـافيـــــــــــة على القصيده وصح لسانك مليون
بيض الله وجهك

صح الله لسانك و بيض الله وجهك

قصيدة رائعه ومن شاعر جزل

تحياتي

اخوك

أعذب وأجمل

لله درك من شاعر .. تسلم وتسلم

صح لسانك واعتلى شانك وبيض الله وجهك ...
يعطيك العافيه ... على القصيدة الرائعه....
لا عدمنـــاكـ وننتظر جديدك....
وياهلاوغلا فيك بين اخوانك..
اخيك ابوروان