نجدد عهدنا

كل عام وانتم ووطننا بألف خير

الله كريم وعزنا في وطنا =ولا بينا حاسد وبايق وخوان
وحب الوطن فقلوبنا من صغرنا =ما يختلف ثابي على مر الازمان
وحكامنا معروف فينا ومنا =والحمد لله كلنا اهل وخوان
والشكر له حقق لنا الي انتمنا =ونعيش في خيرات وانعام وامان
واللي يزعزع امننا ما يصلنا =ارواحنا ودمينا دون الاوطان
في وقتنا الحاضر وسابق زمنا =يوم الوغى فالكون شعلة ونيران
اقوالنا دايم توافق عملنا =فالعسر والى اللين ابطال شجعان
بريق دنيا زايلة ما فتنا =وقلب السعودي دوم ينبض بالايمان
بفعالنا حنا نحقق امنا =فرسان بالكلمة وفرسان ميدان
ونطيع حاكمنا لامنه امرنا =ونقول له لبيه في كل الاحيان
هذي طبيعتنا وذا طبع اهلنا =حنا لحكام البلد درع و اعوان
ولحكامنا موفين دايم عهدنا =حكامنا الشجعان ذرفين الايمان
وقايد مسيرتنا نهارة زهمنا =الشعب كله قال لبيه سلمان
والكل شاف بعينه اللي فعلنا =راحت جموع اللي معادين شتان
واليوم للقايد نجدد عهدنا =ونفديه بالارواح شيب وشبان
وحنا تحت امره ليا من طلبنا =حنا جنود المملكة فكل ميدان
ومهما من الاقوال قلنا وقلنا =افعالنا فحب الوطن خير عنوان
فاقوال حساد الوطن ماسألنا =دستورنا المعروف سنة وقران
وصلاة ربي عد مخضر فنا =على النبي الهاشمي نسل عدنان

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وبيض الله وجهك
قصيده في قمة الروعة

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك
..
..
أسجل اعجابي بالقصيدة
..
ويعطيك العافيه ..