يابـو سعـد بــاب حــب البـيـض سكـرتـه

يابو سعد باب حب البيض سكرته=
=فوق السنه ماطرالي يافهد طاري
الدقن طولتها والثوب قصرته=
=وحفضت نص الحديث وناسي اشعاري
واليوم صاحبك ثار وثارة اغبرته=
=اسباب من شافها بمجمع اتجاري
من يوم ناظر بها والبنت ناضرته=
=عود على طير يلي غصب وجهاري
تمشي على هونها والليل ناثرته=
=متعدين خصرها في خمسة اشباري
يمشي وراها مغفل تقل هاجرته=
=حمال لغراضها شيال الاسفاري
يومي براسه رخامه كل مازجرته=
=ماله مهابه ولاله شور وقراري
حسب اعتقادي بوسط البيت نافرته=
=تدري ماليه ومال اكبار الاوزاري
يمكن كفو لكن ام الدعج ساحرته=
=وبالليل يلعب عليها والجسد عاري

ابو هليل نسقها
جهازي خربان

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله ابدانكم

يامرحبا يا سعد ترحيب كررته=
=عداد حرف(ن) قراه من الملا قاري
بديت مبدأ ولا ادري ليه غيرته=
=ليتك على نفس دربك يا سعد ساري
موقفك ياصاحبي لو كان بررته=
=الناس يمكن تصدق وإلا انا داري
عارفك قلبك خضر ماجفت شجرته=
=توك شباب وعلى فعل الشرف ضاري
وانا مامن فرق قلبي كل ما انذرته=
=يقطع علي الطريق بنص مشواري
والواقع اللي عن الموضوع صورته=
=عزالله انه على بعض العرب جاري
كم ثور وانت بكرامة يتبع بقرته=
=رغم عن انفه ورآها يمشي اجباري
ويبدل المشي ركض ليا تنهزرته=
=اسبق من اللي مفزّع والحدث طاري
ولو جودت مسكته من عند حنجرته=
=يمكن بوسط الحراج تقول ياشاري

فهد بن سعد السليمي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

يابوتركي اعتذر ماعندي صلاحية التعديل


وصح لسااااااااااااانك مليوووووون وصح لسان السليمي بيض الله وجيهكم

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسانك
ولاهنت