ياوطنا فيك حنا عقد در بجيد غاده

شعر :سعودبن عبدالله المبيريك
معهد الادارة العامه – الرياض

ياوطنا فيك حنا عقد در بجيد غاده =
= صف واحد مانتفرق خلف قايد مملكتنا
ومن يحاول تفرقتنا يموت ما حقق مراده=
= من يوم وحدنا الموحدعلى شرع الله ثبتنا
وطاعة الحاكم بشـرع الله للمسلـم عبـاده=
= حكمة القايد وعدله والشريعه وحدتنا
وجنبتنا فتنة المغوين وحـروب الإبـاده=
= مانطيع اهل البدع وواهل الفتن لوخالفتنا
ماعلينا من مثورة الفتن روس القراده=
= زل عهد مسيلمه والوحي نازل في لغتنا
مانقص بعد الرسول ولا نزل بعـده زيـاده=
= والتعاليـم الأسلاميـه تبعنـاهـا وهدتنا
فيها تنظيم الحياة وفيها تنظيم العباده=
= بعد - ما كنا - شتات وجاهليه- نظمتنا
وبالحقوق بالعدالة سوى لا سيد اوساده =
= من عدالة ديننا بين البشر عـدل انظمتنـا
وراحة للنفس تلقى بـه مفاتيـح السعـاده=
= والحضاره مـن ينابيعـه دعيناهـا وجتنـا
واعتلينا هامه النهضه بميدان الريـاده=
= والشعوب اللى بتاريخ الحضارات اسبقتنـا
أختصرنا دربها وفزنـا وتسلمنـا السيـاده=
= واقتدت فينا الشعوب اللـي قبـل تجاهلتنـا
واكثر العالم علينـا يعتمـد كـل اقتصـاده=
= وحاجة العالم من الطاقة مخازنها تحتنا
من يزور بلادنا في عهد عبدالله تمناهـا بـلاده=
= عدل وأمان وحضاره الدول منـها أحسدتنـا
ومجدنا الحاضر براهينه على ذلك شهاده=
= الملك عبدالله اجهوده هي اللي طورتنا
بالسياسه مايتعلم قايد ومن ساس قاده=
= يبذل أجهود اليا خفنا مـن اعدانـا حمتنا
نصف ليله خدمة للشعب والاخر عباده=
= ملكنا عبـدالله-الله ينصره مصـدر ثقتنـا

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله السنتكم
الجميع وبيض الله وجيهكم
المعذره ودي ارد على كل واحد لكن اكتب
من الجوال والارسال ضعيف

هههههههه
صح لسانك
يابو ماهر
الجوال مشكله كنت
ابغا ارد على قصيدتي
ورديت على قصيدتك

صح لسااااانك مليون وبيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صح الله لسانك
ولاهنت