في محفل الحصنان ذباحة الحيل

لاصحابي الحصنان جبت الجدايد=البايته ماتستوي للمشاكيل
شاعر واجيب من الفرايد فرايد=واترك هزيل القول يلقى مهازيل
ماكل من يكتب جديد القصايد=يطرب مسامع شاربين الفناجيل
الجزل قمة صوح مرقاه كايد =يبقى مع الاجيال جيلٍ بعد جيل
والهزل مابه يالعوارف زوايد=لو قايله غناه شقر ومواويل
الشاعر اللي مابقوله فوايد =يرتاح عند القهوجي والمعاميل
لايزاحم الشعار والحيل بايد=تبرك به الجرباء قبل ياصل النيل
وانا حسب سلم العرب والعوايد=سلام تسليمه مثل ريحة الهيل
قلدتها من كل جزله قلايد = وغلفتها بالمسك والطيب وكليل
لاهل الوفاء من كل دار وبدايد=في محفل الحصنان ذباحة الحيل
اهل النباء الطيب وساع البنايد=حرار ماتصبر على الذل والميل
وريف القصير وماتمد الزهايد=دايم ومدتهم تغيض المباخيل
شجعان في يوم الخطر والمزايد=يوم القبايل باللقى تسرج الخيل
ياما ثنوي دون الضعن بالشدايد=بالرمح والبندق وحد المصاقيل
قبل الامن يصبح على الدار سايد=كم ابلجن عاقوه يوم المصاويل
يتلون شيخٍ هومته للبعايد=تتعب وراه اهل الرمك والجماميل
لاطاب لخدود الرخوم الوسايد=غنايمه عكش الوبر والمضاليل
معروف مايحتاج منا نشايد= فعله وذكره عانقٍ نجمة سهيل
عن منور الاول كتبت الوكايد= وفي منور الثاني تزين التعاليل
شيخٍ لربعه بالصعايب سنايد = فطين ماتمشي عليه المحابيل
عن واجبه راع الكرم مايحايد= بيته لعصمان الشوارب مداهيل
بعيد عن علم الردى والنقايد=هاذا الكلام اللي عليه المعاديل
ماحرك الغربي شجون وجرايد=صلو على من ذلل الشرك تذليل

صح السانك وبيض الله وجهك

صح السانك يابوتركي قصيده جزله من شاعر الجزاله والإبداع
والشيخ/منور بن طعيسه يستاهل وربعنا الحصنان يستاهلون
ولاقلت إلا الصحيح عساك تسلم وتحياتي للجميع.

تسجيل تواجد في منبر الجزاله
صح لساانكـ
بيض الله وجهك

شاعرنا العلم سعد المحمدي

صح لسانك ويستاهلون الحصنان والنعم فيهم وكذلك جميع قبايل مزينه

السلام عليكم ورحمة الله وبركاته


صح السانك يابو تركي. وافي دايم وعلمك غانم


الف الف صح السانك وبيض الله وجهك

صح لسانك يابو تركي
ووافي طال عمرك

صح السانك يابوتركي
قصيده جزله من شاعر الجزاله والإبداع
والشيخ/منور بن طعيسه يستاهل
وربعنا الحصنان يستاهلون
ولاقلت إلا الصحيح
عساك تسلم وتحياتي للجميع.

صح لسانك يابوتركي

	المشاركة الأصلية كتبت بواسطة نديم المجرة

	صح السانك وبيض الله وجهك

صح بدنك
وبيض الله وجهك