الله يجيب الخير

الله يجيب الخير رحمه و يسقينا= نبغي ديار العز و نخيلها تروى
الدافق الرافق على كل اراضينا= يصير جروه من "مجيره" الى "عروى"
يفرح به اهل الدار و اللي محيلينا= من عقب قَلَّ القَطْر و اكتفّت الحروا
يستبشر اهل الضين الى جا المزكِّينا= ما همهم ما يدفعونه من البروا
و يلحقه وسميِّن مبكِّر و يروينا= يطلع زبيديِّه مصاليع كالمروا
يعم من "نجران" خيره الى "لينا"= و من ساحل "الخفجي" و غربٍ الى "قروى"
يصير سيله بالضحى ما يمسينا= ما فاجأ السكان في ليلةٍ سروى
و الصيف جوِّه معتدل كنّه "اثينا"= براد ليله محتمل يطلب الفروا
في ديرة اهل الطيب دار المصلّينا= عبريّهم يركب و لا يدفع الكروا
الله يحمي دارنا من أعادينا= اللي بعيد الدار و اللي كما الدروا

الصييفي
صح لسانك وعتلا شانك
والله يجيب الخير ويرحم البلاد والعباد

امين الله الغيث
صح لسانك

تسجيل تواجد في منبر الجزاله
صح لساانكـ
بيض الله وجهك

الأحبه:

سعد المحمدي،
صلاح الحيسوني،
و
الحب الباقي

صحت ابدانكم
و هنتوا على مروركم العطر

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك بيض الله وجهك