2519وين انت يالي تقول الشعر وتجاري محلول من قبل ابوفيصل صح لسانه

بسم الله الرحمن الرحيم

السلام عليكم ورحمة الله وبركاته

دورت لغزٍ يشد البال طاروقه = وين انت يالي تقول الشعر وتجاري
ياويش عذرى رفيعة شان مرموقه = تنفعك لاصرت في دنياك محتاري
تعطيك علمٍ يسر العقل منطوقه = وتجيك من واحدٍ قطاع الاثاري

8
8

عليكم السلام ورحمة الله وبركاته

صح لساانك يابوهليل بيض الله جهك

يشرفني أني أول من يشارك في هذا اللغز الرائع

اتوقع الحكمه اللي تقول ( الحكمة ضالة المؤمن )

وكذلك من عرض ماقيل ( خذ الحكمة من أفواه المجانين ) حسب مفهومي للشطر الاخير

8
8

يامرحبا ياخبير الشعر وطروقه =ياشاعرٍ يبدع الالغاز من ضاري
الحل مثل الفقع واللغز رقروقه =مايبعد اللغز عن حله وانا داري
الحكمه هي ضالّة المؤمن وماثوقَه =ولاّ ترى البحث والتفكير به جاري

وعليكم السلام ورحمة الله وبركاته

الله الله

صح لسانك أخوي أبوهليل

وأرجوا أن تكونوا جميعا بخير

وآييد رمعه أخوي أبوفيصل ( الحكمه )

ويمكن البوصله ^__^ مع إنها بعيده

عليكم السلام ورحمة الله وبركاته

صح لساانك يابوهليل على اللغز و بيض الله جهك

رمعة ابوفيصل طيبه لكن بثني عليها ونقول

الفراسه

صح السانك يابو هليل على اللغز الرائع بيض الله وجهك,


تأييد %×% لرمعة أخي الغالي بوفيصل

( خذ الحكمة من أفواه المجانين)

	المشاركة الأصلية كتبت بواسطة أبوفيصل

	8 8 عليكم السلام ورحمة الله وبركاته صح لساانك يابوهليل بيض الله جهك يشرفني أني أول من يشارك في هذا اللغز الرائع اتوقع الحكمه اللي تقول ( الحكمة ضالة المؤمن ) وكذلك من عرض ماقيل ( خذ الحكمة من أفواه المجانين ) حسب مفهومي للشطر الاخير 8 8 يامرحبا ياخبير الشعر وطروقه =ياشاعرٍ يبدع الالغاز من ضاري الحل مثل الفقع واللغز رقروقه =مايبعد اللغز عن حله وانا داري هي ضالّة المؤمن الحكمه وماثوقه =ولاّ ترى البحث والتفكير به جاري

[size="5"]صح لسانك يابوفيصل بيض الله وجهك
الاجابه صحيحه (الحكمه)

تدوم ماهل مزنن لاحت بروقه =ياشاعرٍ لحن شعره يجذب الساري
الغز يابن العطاوي لاغلي سوقه= يمك نلد النضر ونقول ياشاري
عز الله انك قشعت الغز بعروقه = بكره يجيكم شقيقه ياخذ الثاري

]

صح إلسانك من نظم اللغز ولسان من حله

	المشاركة الأصلية كتبت بواسطة سمو داعية

	وعليكم السلام ورحمة الله وبركاته الله الله صح لسانك أخوي أبوهليل وأرجوا أن تكونوا جميعا بخير وآييد رمعه أخوي أبوفيصل ( الحكمه ) ويمكن البوصله ^__^ مع إنها بعيده

ياهلا ياسمو صح بدنك لاهنتي مشكوره

والغز راح عند ابوفيصل صح لسانك ولسانه

	المشاركة الأصلية كتبت بواسطة علي الزهراني

	عليكم السلام ورحمة الله وبركاته صح لساانك يابوهليل على اللغز و بيض الله جهك رمعة ابوفيصل طيبه لكن بثني عليها ونقول الفراسه

ياهلا يابوحسن صح بدنك لاهنت مشكور

ومثل ماتوقعت الغز راح عند ابوفيصل صح لسانك ولسانه

	المشاركة الأصلية كتبت بواسطة ابوفهد الحربي

	صح السانك يابو هليل على اللغز الرائع بيض الله وجهك, تأييد %×% لرمعة أخي الغالي بوفيصل ( خذ الحكمة من أفواه المجانين)

ياهلا يابوفهد صح بدنك لاهنت مشكور

ومثل ماتوقعت الغز راح عند ابوفيصل صح لسانك ولسانه