الضـيـف لــه عـنــد المشـاكـيـل قـيـمـه

بسم الله الرحمن الرحيم
السلام عليكم ورحمة الله و بركاته

بعد انقطاع طويل عن هذا الملتقى المبارك و الذي ارجوا ان تعذرونني على طول الغياب لظروف صحية
منعتني عن مشاركتكم . و انا الآن بصحة و عافية و لله الحمد .

و هذه القصيدة تعتبر من جديدي و انتم تستاهلون اكثر من ان اقوم بتنزيل قصيدة في الملتقى و القصيدة تعبر عن نفسها . آمل ان تحوز على اعجابكم و استحسانكم.

بديـت في محـيـي العـظـام الرميمـه=قـدام لابـدي فـالـمـثـايـل والاشــعار
طالـبـك يامحـيـي الـعـروق الهشـيـمـه=يالله تـأمـرني عــلـى خــير الاذكــار
عـفـوك نـهار العـبـد يلـقـاء خصيـمـه=يــافـارج الــشــدات يـالـنـافـع الــضار
نهار كـلٍ يـسـتـلـم لـه قـسـيــمه=مـعــاد يـنـفـع بـه سوالــف ومعــذار
امـا لـقــاء خـضــر الـجـنـان النعـيـمـه=و الا لـقا له حـفــرةٍ من لـهــب نار
انـا لــيـا مـرّت عـليّ الـولـيــمــه=مـا أكـنـها عـن الـمـوالــيــن والجار
عـنــدي شـهـامـه يـالـرجـال الحـكـيـمـه=لــو كــان للمخـطـي مطالـيـع واعـــذار
الجـار هــجــرانــه تـــراهـــا جــريــمه=لـوكــان يـخـطـي له مــعــزه ومــقــدار
تـــراء الـعــرب لـهــم مكارم وشـيـمــه=قـــد قـالـهـا قـدمي بـالامـثــال كــسار
قـــال القبـيـسـي بالسنـيــن الـقـديـمـه=مـثـايـلٍ تـبـقـى مـع الــناس تــذكــار
عــقّب وصــيه لـلـعـقــول الـسـلـيـمـه=قـال الخـوي والضيـف والثالـث الجـار
لـهـم عـلـى المسـلـم حـقـوقٍ عظيـمـه=ليـا ضيـع الشيمـه مقابيـس الاشــرار
جــار المـهـادي يــوم ضـايـق حريـمـه=قــدر قصـيـره واحـتـمـى حـرمــة الـعــار
وجـاره عقـب سـمـع العـلـوم الوخيـمـه=جــــازاه بـالـمـعــروف مــاصار بـوار
لـيـا بـــار بـالـواجـب خـطــاة الهلـيـمـه=جــار المـهـادي صــار وافــي وصـبـار
ومـثــل الـبـلالــي فــيــه صبر و عـزيـمــه=قدم على الموت الحمر واعتق الجار
وقـصــة نـويـشـي بالـسـوالـف يـتـيـمـه=دون الخـوي فـي عزوتـه ياخـذ الـثـار
الضـيـف لــه عـنــد المشـاكـيـل قـيـمـه=خـلـك لضـيـف الله كـمـا الـوالـد الـبار
إلــيـــا بـلاك الله بـخــطــو الـلـخـيـمـه=اصــبر تـراء دورات الايام تــنـدار
تـــراء الـسـعـد قـالــو يـبــار العـزيـمـه=وكـلٍ عـلـى ماقـيـل له شــف وانـظـار
الـلــي يـبــى الـطــولة يـــذب الـخـريـمـه=يـحــط لـــه بالـمـجـد مـــارد ومــصــدار
وإلا الــــرداء دايـــــم دروبـــــه ذمـيــمــه=وخـسـارة السمـعـه بـهـا كـسـر تـعـبـار
عـــــن الـــــرداء دور دروب الـهـزيـمــه=جنـب عـن الهـزلـه تــراء فـيـه معـبـار
الـطـيـبــه لـلـطـيــب اطــيـــب وسـيــمــه=لـلــي يـحـبــون الــعــلا سـر وجــهـار
هــــذي نـصـيـحـه لـلـرجــال الـحـكـيـمـه=عـن الطـريـق الشـيـن عطيـتـك انــذار
وصــــلاة ربــــي عـد مــاهـــل ديــمه=عـلــى نـبــيٍ وضـــح الــحــق واخــتــار
اخـــتــــار لـلـمـســلــم دروبٍ ســلــيــمــه=ونـهـاه عــن الـلـي مـثـل فـعــل بـشــار
نــهـــاه عـــــن الـفـاحـشــه والـظـلـيـمــه=عسـاء لـنـا فــي نـيـة الخـيـر مظـهـار
نـهـاء عـــن الغـيـبـه وهـــرج النمـيـمـه=ولا يـنـقــل الـنـمــات يــكــود سـمـســار
والـنـاس مـاهـي بالـسـوالـف غشـيـمـه=تـــم الـكــلام الـلــي نظـمـنـاه بــ أسـطــار

الشاعر العلم

شاعرنا الكبير /عضيب بن هليل العلوي

الحمد لله على السلامه طهور بذن الله وماتشوف شر يابو بدر

وصح لسانك على القصيده الجزله والقيمه التي فيها من الحكم والمواعض الكثير

الله يبيض وجهك بالدارين

قصيده مميزه من شاعر مميز

الحمد لله على السلامه وصح لسانك وبيض الله وجهك

اشاعر عضيب هليل الحربي صح اسانك شاعر علم من فطاحلت شعراء حرب مهما قلت لن اوفيك حقك
فانت علم براسه نار الحمدلله على السلامه ولاتشوف شر

وعليكم السلام ورحمة الله وبركاته
الشاعر القدير العلم / عضيب هليل الحربي صح لسانك على هالجزالة والابداع من شاعر الجزالة
الحمدالله على السلامه يابو بدر ولاتشوف شر وطهور بذن الله اسال الله لك طولت العمر

اهلا وسهلا بكم شاعرنا العلم الشاعر/عضيب بن هليل عوده حميده مع بداية عامنا الجديد 1435ه
سعدنابعودتكم الى الملتقى وان شاء الله طهور ماتعرضتم له من ظروف صحيه. وصح بدنك
يابوبدر على هاالجزاله واﻹبداع ولايستغرب منكم ذلك. تحياتي وتقديري لكم ودمتم بخير وعافيه.
محبكم/سند بن مسند العريمه.

ياهلا و ياغلا

اررررررررحب مليووووون ياشاعر حرب

الملتقى منوّر يا ابو بدر

الحمد لله على سلامتك يا ابو بدر و مقام العافية ان شاء الله

و اعذرنا على القصور ياشاعرنا القدير

و نتطلع للمزيد

تسجيل تواجد في منبر الجزاله
صح لساانكـ
بيض الله وجهك

عضيب شاعر المواقف الصعبه
صح لسانك على هذه القصيده الجزله
والحمدلله على سلامتك يابو هليل وماتشوف شر

الشاعر العلم ابوبدر

صح لسانك وبيض الله وجهك