لغز وقصايد

أبيات وصلتني بالجوال وبها لغز للشاعر متعب بن خصيوي العمري الحربي
رديت ورمعت اللغز وكذالك ارسلتها لقريب لي شاعر ورد وكان حله موافق لحلي وربما تكون حلولنا غير مطابقه لما اراده الشاعرمتعب ..ولكن احببت اطلعكم على ماجانا وماكتبنا ولكم مني اطيب تحية.....

جـــاك الـــخــبــر يــا مستمع للتماثيل
أبيـــات جـــزلة تعـــجب اللي قـــراها

أنشـــــدك والـــــنشده تبى منك تحليل
عـــن بنت كـــل النـا س تخشى اذاها

الله مسلطهـــــا عــلى بعض الرياجيل
كلن يحــــاول طــــــردها مــــــاقواها

أكثـــــر مـــــاتبدأ بالشيوخ الحلاحيل
تـــرسي علــــيها ليــــن تظهر خفاها

لاشافت اللــــــي بينهم بــــارد الحيل
تبــــــاشرتبه ثم حـــــطت رحـــــاها

وقامت تشن جيوشها وتسرج الخيل
ولاهو بسالم لين تكسب عشاهــــا

فالصبح تهـجدهــــم أو تالـــــي الليل
ولاحد يمــــيز ســــرعها من بطاها

مـــاردها البـــــــارق ولاردها السيل
ولاهـــــــمها لـــج الرعود بسماها

ماتستــــــمع لك لوتـــــرسل مراسيل
صمــــــاء بكمـــــاء مـــاتميز لغاها

بنت عنيده عزمها حــــيـــر الـــــجيل
الـكــــــل يكــــرها ولاحــــد يبــــاها

حـــــتى الرســـل تهابها والمشاكيل
وشــــــيوخ نجـــــد اللي جويد بناها

واللي بدار الصين واللي ورى النيل
كلـــــــن يقـــــول الله يبـــــعد مداها

اللغز واضح مايبي زود تفــــــصيل
ميز ودقق فالبيوت ومعناهــــــــــا

والحل هاته مانبي منك تحلــــــــيل
تحسبله الشاره ترى من رماهـــا

ردي على الابات السابقة


يامرحبا ما طل الجدي وسهيل
عد النجوم اللي تعلى سماها

يا مرحبا ترحيبة البن والهيل
بين الرجال اللي علا مستواها

سلام يا بادع لنا وافي القيل
احلى من الحالي حلين حلاها

واللغز ليل(ن) به كثير المجاهيل
واحد(ن) يدور حاجته مالقاها

ابي ارمعه باللي تجيب البهاذيل
ام الركب اللي كثير(ن) غثاها

ويا الله ياوالي عليك التساهيل
وأختامها بأزكي صلاة(ن) ل طه


رد ومجارة صاحبي على قصيدة اللغز

البارحة طاب السهر والتعاليل***مع البيوت اللي قوين غطاها

نوبن اركدها على الارض واشيل***ونوبن ابعد وجهها عن قفاها

تبين لي منها سوات السماليل***وتروح لا مني بغيت احجاها

نوبن تميلني عن الدرب واميل***ونوبن تبين صحها من خطاها

لا جيتها من باب بيت المهابيل***راحت تناديني لبيت عقلاها

بنتن ليا ناظرتها بالدرابيل***تبين لي وش سترها من عرها

ام الركب ماظن فيها محاصيل***لاهي ولا اللي تبتليه ببلاها

تقول ماتبي وراها محاصيل***وانت محلل زادها في حشاها

من شب نيرانه وجاب المعاميل***يصبر على من شاف ناره وجاها

والفلسفه والهيلمه والتهاويل***ماهي بي عندي كل شبحي وراها

ابدع لامني قلت في شرد القيل***شاعر وعندي للمعاني دواها

ماني بعلوجها سوات الهماليل***اللي صفقها ريح واخلف نواها

اتابع لمطلاعها والمداخيل***وأرقابها روس العلا من غلاها

والسالفة طالت ولاودي أطيل***مير أذبحوها وأبلغوني عزاها

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحــت السنتكــم
دمتم برعاية الله وحفظة

صحة السنتكم


الله يعطيكم العافيه