ماشفت في نجد غير البشت و الكوت = و الصيده اللي مطاردها نحاسه

21-04-07, 10:08 PM

ليت السحيمي يقوم و يرفع الصوت = و أسمع كلام التحدي و الحماسه
مافيه في نجد لابحرٍ و لاحوت = مافيه غير الحنش يومي براسه
أنته تبيع الحياة و تشري الموت = معكوس ماتمشي إلا بالعكاسه
ماشفت في نجد غير البشت و الكوت = و الصيده اللي مطاردها نحاسه
عز الله أنك من الايام مبهوت = مثل الذي يوم شاف الجمر داسه
أحدٍ مقيد و أحد عاصي و مفلوت = عشرين فنجال ماتبري عماسه
لاتحسبن السوالف لعب بالوت = روح إفرس الذيب قدام إفتراسه
سيارةٍ مالها شنطة و كبوت = و لع بها عند بيبان الرياسه
العلم واضح و لاهو علم ملفوت = مايعرفه غار رجال السياسه
الكوره اللي عليكم شتها شوت = حطو لها عندكم كرسي و ماسه
أموال قارون راحت عند جالوت = و اللي بقاء فالصحن غير اللحاسه