بريك بن عابد *** خلف بن مطلق *** محمد بن جازي

السلام عليكم ورحمة الله وبركاته

بسم الله الرحمن الرحيم
بأسترجع الماضي بأحلــى العبارات *** ســــلام كله طيب صـــافي غديره
وصـلاة ربي على النبي والتحــيات *** اللــــي أصطفاه بدعوته دون غيره
بأبدى بابن عــابد مع بريك وقفات *** يــوم أن بـــعزومه يـــرد المغيــره
لانه سليل الــعز شـــيخ المهمـــات *** شيــخ المـراجل والسيوف الشطيره
في عهد فيصل يقطعون المســافات *** نايـــب فــِـذاك الجيش عن العشيره
لاقام فزتلــــه من الروس قـــــامات *** وتــــصغر من الحكمه مشاكل كبيره
مرحوم أبن عابد ومن جاب مامات *** نبــــكي عـلى فرقاه وتبـــكيه ديـره
وبعده خــلف شيخ الوفا والعطيات *** ســَمح الجناب ولاأختلف مع شويره
مرحوم تبقاله مع الوقت ضحكات *** طـَلق الحجاج وشيــــخ وقته وأميره
واليوم أبو مروان مـــد الجزيلات *** نـــــادر ومـــامثــــله على المستديره
له في دروب العز صوله وجولات *** يحـمى المـــواقف عــرف واسع يديره
له فالجبال الصم بيــــــرق ورايات *** وإحــــــِنا حـــــزامه فالــيال الســـعيره
نبذل على شــانه من الجهد طاقات *** زبّن الـــــــدخيل وسعد والله قصــــيره
حـــــل المشـــــاكل كلها بالعــلاقات *** وجَـــــــّيه ساطـــي والمواقف كثيــــره
أنشــــــد معبّد يوم بلزومــها جــات *** يـــــــوم أرتكى للحـمل وأظهر جويره
وأنشد خليص أشلون حل الصعيبات *** يـــــــوم أنهــــا صكات بقعا عسيـــره
حــــل الصعايب بالرضى والقناعات *** ماجـــــامل الغـــــلطان وأرضى ضميره
وكــــرّم قبيلة حرب ونال الشهادات *** أنــــــِه كـــــريم ومــــن رجالٍ خبيــــره
هــاذى لأبو مروان بعض البطولات *** شيخ الشـــــيوخ أهــل الوجيه المنيره
منـــــــــي أبو مطلق سلام وتحــيات *** ســـــلام مثــــل المســــك يبقى عبيره
وصـــــلاة ربي عـــــد وبل المخيلات *** علــــى الأميـــــــن أعداد مارف طيره

الشاعر / وهيب مطلق الشيخ

والنعم في الجميع
صح السانك لاهنت

ولاهان منطوقك

كفيت ووفيت ويستاهلون المدح من مدحت لهم الطالت في مواقف كثيره في حرب


صح لسانك وطاب فالك

تحياتي

	المشاركة الأصلية كتبت بواسطة الكحيلة

	والنعم في الجميع صح السانك لاهنت ولاهان منطوقك

ونعم بحالك شاعرتنا
صح بدنك شاكر مرورك أختي

	المشاركة الأصلية كتبت بواسطة خليفة المزروعي

	كفيت ووفيت ويستاهلون المدح من مدحت لهم الطالت في مواقف كثيره في حرب صح لسانك وطاب فالك تحياتي

الله يبارك فيك ياأبو أحمد وماعليك زود
شاكر مروك أخي

صح لسانك الله يعطيك العافيه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر وهيب
صح لسانك

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك يعطيك العافيه
وبيض الله وجهك