ديوان خليفه محمد المزروعي

صدفه على التلفاز انظر وأسمع=وليا الحرم مليون حوله يطفون
وقام الصلاه وشفت سجد وركع=ويوم سلمو رفعو يديهم ويدعون
كل الجموع في ذالك الحشد تطمع=في جنته والعافيه يوم يلفون
قمت اتفكر يوم للحشر نجمع=من عهد ادم للقيامه يصفون
كل الخلايق للموازين تخضع=والحكم عدل وللأوامر يطعون
الله اكبر يوم للحق نفزع=ماغير رحمةربنا مالنا عون
الفوز للي سيد الخلق يتبع=وكانو على سنة محمد يعضون
قومن على هديه تسلم وتشرع=وعلى الفرايض والشهاده يموتون
يابختهم باللي مشفع ويشفع=يشفع لهم يوم الخلايق يلوذون
واهل الكفر يرجون لويوم ترجع=وتوب لاالله وبالفرايض يقومون
هيهات لايمكن ولافيه مرجع=مازرعت انفسهم له اليوم يجنون

خليفه المزروعي في ٢٩/٩/١٤٣٤

من الطفوله بنيت البيت=ومقفله في قفص صدري
وكان الأماني لمنك جيت=تعطي لهاذا التعب قدري
دخلت فالبيت مالديت=وخرجت بالناس ماتدري
بالود والحب ماهتميت=همك من المال وش تشري
كسرت قلبي بعد قفيت=كسرة عدو مالها جبري
ضيعت قدرك بعد ضليت=اقدمك عن هوا عمري
واليوم كل الصحف طويت=وكرهك مع الدم مستشري
حتى فصلاتي اذاصليت=احمد الاهي على صبري

خليفة المزروعي=
ماهو بهين عذرنا في مقابلك= ياصحبتن بالحيل عندي غلاها
ضارب حسابي يوم جتني عزيمتك=لاكن الأنفس ماتجي في هواها
جات الضروف بحكمها والتعذرك=عسى العوض باللي تجي في سراها
انته يبو يوسف في قلبي معزتك=العالم الله خوتك ماكماها
لاتحسبني باتناسا لخوتك=وايام عشناها يامكبر وفاها
وختام علمي فالقصيده سلامتك=ومعذار مبداها وفي منتهاها
الرد من ناصر المرواني=
معذور وأنته تشرح الصدر جيتك=جعل الليالي ماينوشك غثااها
تعز شخصن مايضيع معزتك=صحبة وفاء مايرتخي مستواها
مقبول عذرك ياجودي مانكذبك =وحنا معك في يسرها وفي قساها
والله مانجهل جميلك وفزعتك =الطيبه عند أهلها ماحالاها
ارسلتها من طيب ساسك ومعدنك=وأبشرك وصلت وناصر قراها
رسالتك جتني عسأالله يسلمك =معذور ثم مشكور ردي علاها

انته وأنا والخالق اللي معانا=اقلوبنا في ودنا كلها ذوق
ويمنى تحاول تقترب من هوانا=الله عساها تبتلي يالخوي عوق
منهو يسوي بالموده كمانا=حياتنا من ودنا طوقت طوق
من صغرنا لاكبرنا في وفانا=ذا طبعنا ماهو من الخلق مسروق
حنا مدارس غيرنا لا رأنا=في غياب ساعه نحترق كلنا شوق
الحمد لله للموده عطانا=الواحد اللي عالم بكل مخلوق
اضروفنا واعمالنا ماتعصانا=لاجاء نهارٍ للمواجيب لاحوق
نوفي مطاليب الأهل وصدقانا=لوكان ساقي يابيض الوجه معيوق
ومادامنا بالصدق ربي معانا=الله يقانا كل حاسد ومطفوق
وفألأخره ماننحرم من جزانا=اجر الأحبه في حديثٍ وموثوق

الوله والثانيه قلت زله=والثالثه والرابعه قلت لاباس
والخامسه والسادسه قلت لله= والسابعه والثامنه توجع الراس
والتاسعه والعاشره محق عله=معاد فيها غير للحق مجلاس
باحاسبه فالحق دقه وجله=ولاعاد عندي للحبل غير مساس
انا صبرت اسنين ماهي مذله=لاكن قيسنا ولاصبت بقياس
قلنا جمل يرجع لدربه يدله=ولياه ماعنده لنا ذرة احساس
تايه وضايع مالقي من يقله=ان الكبر والغطرسه ضيعت ناس
ولياعقدنا الحبل خله يحله=اما طلع لاالزير ولا لجساس
ولله لاتل الحبل للي يتله=اللي لنا ميروح والحق نوماس
من لايطول حبلهم مايبله=دلوه نهار ان المعاليق يباس
حنا لنا الطييب اساس وجبله=لاكن للي يعرفونه من الناس

خليفة المزروعي
في29/1/1435

في مناسبة ترقية اللواء محمد بن عبدالله المرواني الجهني في سلاح الحدود وفقه الله

بتاريخ 24/2/1435هـ

اعداد ماخط القلم فوق الوراق=واعداد ما خطت يميني كتابه
واعداد مالوح من المزن براق=وعداد مهلت مزون السحابه
سلام من قلب يلبي ومشتاق=لامن دعوه اهل الوفاء والمهابه
يعم لجهينه كما شمس الأشراق=وينصى الجميع بطيب صدر ورحابه
في حفلة اللي فالمواقيف عملاق=راع المواقف دايمن يعتزابه
الله عطاه المنزله بحسن الأخلاق=ويجزاه خير افكل طيبن مشابه
يستاهل اللي للمراجيل عشاق=رجال عز ولا بته حي لابه
يالابة ابن غنيم فكاك الوثاق=وثاق منهم في سجون الكأبه
ام الولد يوم صيحت وقف الساق=وقال ابشري والعلم مفتاح بابه
قالت دخيلك ام تشكي من احراق =حرقة ولد مسجون فاول شبابه
قال ابشري بالجاه والمال سواق=يالين افكه من السجن والنشابه
ثم اتجه لمعزبه بعلم الأذواق=يوم جاء يعد الأسم الأسما تشابه
وبي ايرادة اللي للمخاليق خلاق=قال الجميع وطالبينك طلابه
ولين ابو تركي عيونه للأفاق=قال ابشرو مطلوبكم مرحبابه
وفك الجميع الكل شايق ومشتاق=ولليوم هاذي تنحسب في حسابه

الله يجازي من طلعبك على الجمس=وقت الغروب وشمسنا في شفقها
عيا لايكحل عيني النوم من امس=والروح عارف وش سبايب قلقها
واقلبي اللي سبته حامسه حمس=والنفس شاهد للخلايق غرقها
ياليت يعطيني من اعطيه لو سدس=اقول خير وسوق الاقدام سقها
حبي تعدا حب عنتر ولد عبس=يومن عنتر فاز بالي عشقها
حنانحاول نقرب شوي وجنس=وليا العلوم مباعده عن طرقها
لاهو مقربني ولامبعد الحس =ولاهو على ماقيل يروي رمقها
لاضل ينفعني ولاشمسهاشمس=عزي لحالي حظنا مفترقها
وش حيلتي حتى الفكر منطمس طمس=حواجزن ماضنتي نخترقها
يوم الموده ثابته مابها لبس=خليتها للخالق اللي خلقها

خليفة المزروعي في26/2/1435

[quote=خليفة المزروعي;1393326]في مناسبة ترقية اللواء محمد بن عبدالله المرواني الجهني في سلاح الحدود وفقه الله

بتاريخ 24/2/14

اعداد ماخط القلم فوق الوراق=واعداد ما خطت يميني كتابه
واعداد مالوح من المزن براق=وعداد مهلت مزون السحابه
سلام من قلب يلبي ومشتاق=لامن دعوه اهل الوفاء والمهابه
يعم لجهينه كما شمس الأشراق=وينصى الجميع بطيب صدر ورحابه
في حفلة اللي فالمواقيف عملاق=راع المواقف دايمن يعتزابه
الله عطاه المنزله بحسن الأخلاق=ويجزاه خير افكل طيبن مشابه
يستاهل اللي للمراجيل عشاق=رجال عز ولا بته حي لابه
يالابة ابن غنيم فكاك الوثاق=أوثاق منهم في سجون الكأبه
ام الولد يوم صيحت وقف الساق=وقال ابشري والعلم مفتاح بابه
قالت دخيلك ام تشكي من احراق =حرقة ولد مسجون فول شبابه
قال ابشري بالجاه والمال سواق=حتى نفكه من سجون النشابه
ثم اتجه لمعزبه بعلم الأذواق=يوم جاء يعد الأسم الأسما تشابه
وبي ايرادة اللي للمخاليق خلاق=قال الجميع وطالبينك طلابه
ولين ابو تركي عيونه للأفاق=قال ابشرو مطلوبكم مرحبابه
وفك الجميع الكل شايق ومشتاق=ولليوم هاذي تنحسب في حسابه

يامرحبا بأميرنا عز ترحيب=اعداد ماهلت مزون المخايل
واعداد مارتب من الحرف ترتيب=واعداد ماعدت بيوت المثايل
حياك يامشعل على العز والطيب=ياصيل يانسل القروم الأصايل
اللي كماكم يستحق المناصيب=ياذخر عبدالله زبون الحمايل
حكامنا حكام سد المواجيب=وقت الشداد مريعه كل عايل
لاالسلم سلم وللمعاند ملاهيب=ماتاقع الافي علو الطوايل
والشعب للوحده رجال ومعازيب=لاجا ناهرن فيه للحمل شايل
وقت المواقف مكملين المطاليب=مافيه منا من يحب الشتايل
اهل المواقف دون شكه ولاريب=وحدة تكاتف من عصور الأوايل
يالله ياللي تعلم الجهر والغيب=اديم دولتنا على كل طايل

خليفة محمد سعيد المزروعي في 14/3/1435هـ

ياباسط الجنحان فالجو سباح=ياليت ولينك توصل رساله
رسالةٍمن قلب ماذاق الأفراح=يشكي من الفرقا وحالته حاله
قلب مولع بالخوي كيف يرتاح=ماهقوتي ذاالحال يرتاح باله
حالن معقبله طواعين واجراح=من بعدهم مايوم جوه صفاله
ابو جبينن كنها نور قداح=راع العلوم الطيبه حي جاله
قله ترا صاحبك بالحيل نواح=ان كان ماتدري عن اللي جراله
حتى الدير من عقبكم كنها اشباح=يبدي لك الشكوا ويطلب وصاله
عجل عليه بطلةٍ عند الأصباح=عند الشروق وعند شبة دلاله
جيتك عنده كلها اسرور وأفراح=جمع الرجال افنظرته راس ماله
عجل عسى همه عن الصدر ينزاح=تكسب في صاحبكم وصال وجماله
اليا بغيت الربح هي كل الأرباح=ترا الصله وصابها ذا الجلا له
وختامها عنبر على المسك فواح=وللي مثل شرواك يرفع عقاله

خليفة محمد المزروعي في 28/3/1435هـ