الى قطر.....نايف بن مياس

موجهه الى الشاعر ابراهيم النجيدي من قطر

.

.

لادندن الهاجوس والبال مرتاح=مثله معي يوم الضماير جريحه
مايختلف وقت التعاسه والافراح=من وين مالديت نفس القريحه
يشوش بي مع طاري الرمش ذباح=الفاتنه والناعسه والمليحه
واعزف لحون كنها الورق لاناح=لاميل الاغصان نسناس ريحه
وان كانها بمناطح الجوخ وسلاح=وجه المعادي تكتسيه الفضيحه
لاصاح في عال المراقيب صياح=سليت سيف ضايق في ضريحه
وان عودت لاهل المكارم والامداح=اهل الفعول الواضحات الصريحه
ياما حلا قدام طلات الاصباح=مع عودة انفوس العباد الطريحه
فوق الذي كنه على خف وجناح=فكسار به من سوبر ستار ليحه
اليا هوى مثل اشهب النجم لاطاح=وان راغ روغة ذيب قافيه صيحه
اليا تحرك من شمالي الاسياح=يطوي جراديب السهال الفسيحه
نقصر طويله بالسواليف وامزاح=ناصل قطر وانفوسنا مستريحه
منصاه بيت للمواجيب نطاح=تبطي ضروف التعريه ماتزيحه
هذاك ضاوي له وهذاك سراح=مدهال طلقين الوجيه الفليحه
يدلنا للبيت بنه ليا فاح=وصحون من عقب الذبيحه ذبيحه
ماهو محسب للخساير والارباح=مايذبح المترديه والنطيحه
نتايج التاريخ من جهد وكفاح=من لايح التاريخ محدن يميحه
بيت عليه من الكرم درع ووشاح=مثل العلم راعيه هباب ريحه
سلام مني عد مابارق لاح=طعم الشهد ومن البساتين ريحه
تنصى ابراهيم النجيدي بالالواح=الشاهد الله والنوايا صحيحه
خابرك يا ابراهيم فاهم ولماح=فيك الثقه والمعرفه والنصيحه
واستاذ في علم المعاني ونقاح=تصوغ جزلات البيوت الفصيحه
تمشي على درب التسامح والاصلاح=ماتسرجون الخيل مع كل ضيحه
والخير له مفتاح والشر مفتاح=والدين قدر الناس مايستبيحه
يعرف قدر هداج من ذاق الاملاح=لاشاف بيره مايروي نضيحه
وان كان تو مقيط برشاه لو لاح=ان طاح والله ماحسبنا مطيحه
مطلوب خير ولانقفيه باطماح=وحقوقنا من زل فيها نبيحه
هو جاس لو راعيه ماجا ولاراح=ينوب عني هاتفي والشريحه

.

.

نايف بن شليويح بن مياس الفريدي

والخير له مفتـاح والشـر مفتـاح =والديـن قـدر النـاس مايستبيحـه

صح لسانك وعلا شانك قصيدة عصماء صاغها شاعر متمكن
تقبل مروري واحترامي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر القدير نايف مياس الفريدي صح لسانك على هالجزالة الله يعافيك

صح الله لسانك
ولاهنت
وسلم فكرك وبنانك
دمت برعاية الله وحفظة

[table1="width:65%;background-image:url('http://dc01.arabsh.com/i/00074/mq3atb9egppt.gif');border:4px solid red;"]

حرف مميــــــز .. حضور مميــــــز .. واسم مميــــــز

صح السانك

صح الله ابدانكم شكرا لمروركم العطر

إبداع من شااااعر الابداع
ولايستغرب هذا الابداع من شاعر بحجمك
وموهبتك الشعرية .... صح لسانك ملايين
وتقبل تحياتي

لاهنت وصح السانك

تقبل التقدير والاحترام

وفقك الله