ردي على قصيدة شاعرنا خالد الأحمدي (((( صـــــــدام ))

24-03-13, 07:24 PM

السلام عليكم

أسعد الله أوقاتكم بكل خير

ردي (( فواز بن محسن الزويهري )) على قصيدة الشاعر خالد بن عبيد الأحمدي

البدع من الشاعر خالد الأحمدي

لو قلت لي صدّام مافاد الاسلام=هذي تراها فعتقادي خطيّه
الم يكن للحزب في حكم صدّام=موقف مشرّف من هذيك القضيّه
في صدّ زحف الفرس تحطيم الاحلام=يوم الخميني بيّت الخبث نيّه
يبغى بلاد العرب له فيهم امرام=لاكن صمد له يعربيّ الهويّه
ساهر ايضدّ اعن الحما كل حوّام=بمساعدة منهم لهم مقدريّه
علم ٍ موثّق بالصّور عبر الاعلام=شارك على الجبهه بواسل وفيّه
ولاني ماوفق فعله ابكل الايّام=بالعكسّ اللوّم والملامه قويّه
كم من تصرف جابه وحقّ ينلام=ولاني من اللي يقبلون الاسيّه
ضربة حلبّجه بالصّواريخ الاسمام=وغزو الكويت فليلة ٍ سرمديّه
وآشدّ منها جرم مامثله اجرام=اتعرّضه دار السّعود الابيّه
لاكن علينا بكلمة الحقّ الاسهام =وانشيد له بفعال فيها حميّه
مستوطنة صهيون اسهرهم ارغام=سبّة صواريخه عليهم صريّه
وتحالفوا بالفرس عبّاد الاصنام=واعلن عليه الحرب والحرب سيّه
خطّط على موته لجل خصمه اينام=بيّا طريق ايورده للمنيّه
ومبنى تحدّا فيه صدّام الاخصام=اعدمّ به الصّمصوم فالاعضميّه
واليوم في بغداد ياكثر الايتام=والفارسي يمشي مع النّاس حيّه
كم ينتهك عرض ٍ وكم ذلّة اكرام= وبعض العرب لدّة بعين امعميّه
وانشدك لوهو بالعماله له ارقام=لجل ايش يعدم في نهار الضّحيه
الم يكن هذا من الخالق اكرام=المطّلع بالظّاهره والخفيّه
عيد الضّحيّه يوم نجّي ولد سام=ابن ابراهيم وجدّ سيد البريّه

الرد من الشاعر فواز بن محسن الزويهري

المسأله تحتاج لعقول فُهام=اللي تميز بين هذا وهذيه
وانت من اهل العقل ولك مصدر الهام=وتعرف محلك بين شمس ن وفيه
واعطيك من بحثي عناوين الاقلام=وعلمك يسدك عن شروح البقيه
حزب البعث سم الافاعي فالاجسام=ماله مع اهل الدين ايت عنيه
باسم العروبه بيننا رام بزيام=والناس في تصنيف عالي ودنيه
ان كنت بعثي فانت من روس الاقرام=عندك بطاقة رقم ضمن الخليه
ورفيق قبل الاسم تنده ولا تضام=وتعيش يالبعثي حياةٍ هنيه
وان كنت ماانت معهم تشوف الاسقام=تشرب شراب المر صبح وعشيه
تنام وجروحك لها نزف والام=وتقوم من نارٍ توقد صليه
واخرج لنا صدام من رعب الافلام=فلم يوثقله وتحسب رديه
والله نصرنا لننا بدينه اقيام =ودارة عليه الدايرة بالرزيه
وماني بقايل شهم صنديد ضرغام =لنه على اسرائيل ارسل بليه
اوكان فوق الفرس بالوسم وسام =مجرم تجبر فوق مجرم بكيه
وترى السياسه اسياد تامر لخدام=وخُدام تخدمهم لنفس وهيه
وليا عصا خادم يصدر له اعدام=وتحرق سجلاته بايدي قسيه
ماقدمه يلقاه لو طالت اعوام=سنة اله الكون في ذي الدنيه
دام الامر ماهو لجراي الانسام=ماتسرك افعال الرجال الشقيه
لكن منهو تاب من فعل الاثام=وصحح طريقه قبل قطع الوفيه
ندعيله الرحمن يدخله فرحام=ويسكنه جنات عدن البهيه
جاك الكلام اللي حروفه كالاختام=من قاضي الاشعار حاكم قِفِيه