على الرداء يا الاش مادمت ناوي

ياللي ظهورك وختفاك امتساوي = ودفنت راسك مير باقيك مكشوف
على الرداء يا الاش مادمت ناوي = وخايف رفيقك منك يحتاج معروف
اصبر لين اتحده عليك البلاوي = ثم صد عنه وقول ماني بمكلوف
لا تسابق الاحداث بالشين ضاوي = اخر رداك شوي لين انك اتشوف
يمكن رفيقك عنك يصبح غناوي = وتعدي الرحله على خير وتطوف
اما لقيته يسهجك بالنخاوي = او يستر الله مايجي عنده اضروف
وليا انت ياللي لانذاله مهاوي = ومن الوفاء والطيب يلعب بك الخوف
متجملً لو مانت حول الحراوي = ومن الرداء سالم وهو إلك مالوف
ويمكن بعد توصف بحراً نداوي = لو يضلمون اللي عليه انت ماصوف
مير المدوح اللي قبل لرهاوي = تصرف لمن شره بها الوقت مكفوف

صح لسانك وبيض الله وجهك

	المشاركة الأصلية كتبت بواسطة نديم المجرة

	صح لسانك وبيض الله وجهك

صح بدنك اوجهك ابيض
لاهنت على حضورك المشرف

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

الشاعر الجزل

عامر الحربي

صح لسانك وعتلا شانك

على القصيده الجزله من راس جزل

ودايم القصائد التي يكون لها موضوع خاص

لها متابعينها وجمهورها وتشد القاري

الله يبيض وجهك على الطرح الجزل والعطى المستمر

بهذا الصرح الشامخ

صح الله لسانك
ولاهنت
وسلم فكرك وبنانك
دمت برعاية الله وحفظة

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك والاهنت على هذا الحضور
الرائع والمشرف
بارك الله فيك

	المشاركة الأصلية كتبت بواسطة سعد المحمدي

	الشاعر الجزل عامر الحربي صح لسانك وعتلا شانك على القصيده الجزله من راس جزل ودايم القصائد التي يكون لها موضوع خاص لها متابعينها وجمهورها وتشد القاري الله يبيض وجهك على الطرح الجزل والعطى المستمر بهذا الصرح الشامخ

ماعليك زود يابن العم
والجزل تكمن بهذا الحضور المشرف
بيض الله وجهك وبارك الله فيك

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك ولاهان راسك
وسلم ذوقك ودام حضورك المشرف
وحفظك الله اين ماكنت
وكل عام وانت بخير

وانت سالم وغانم


صح لسانك على هالرائعه