قم يالسحيمي عساء بقعاء علاك تقوم بعد العشاء

05-04-07, 10:28 PM

قم يالسحيمي عساء بقعاء علاك تقوم بعد العشاء=أنته علامك تشب النار و تلاحق مشاهيبها
في ذمتي ماتعدى العازمي فطور و إلا عشاء=حنا عتيبه حماة الدار لأنفرت دواليبها
طرت علي السوالف يوم شفت إخيالك اللي نشاء=ياطيبها لو جات بوقتنا اللي فات ياطيبها
العازمي كان ماربطت رجله بالسلاسل مشاء=و تصير بيني و بينه سالفه كلٍ يغنيبها
الأوله فوق راسك وقعت و الثانية فالحشاء= و الثالثة في جيوبك يالسحيمي ودها جيبها
ان كان جبت المحاله مالك إلا من يجيب الرشاء= لاتقرب الحيه الرقطاء و لاتاطأ على ذنيبها
ارفع يدينك لربك و اطلبه باللي يريد و يشاء= أما كتب لك من يدين الغنم و إلا عراقيبها
إليا غشاء الخير سكان القرى حتى عليك إغشاء=أن كان مالفتك جنيةٍ دايم تهذريبها
ضيقت صياف لين أنه من الضيقه علي إحتشاء=و اليوم أبااضيه و أكرم لحيته و أقص اشانيبها