جيش الاحرار

يالله ياساتر ياغفار = قابل صلاة المصلين
نعبدك في سر وجهار =ولك ياللولي نخلص الدين
مافيه غير انت جبار =يقصم ضهور السلاطين
الضلم وان هز الاوكار =مالت اكفاف الموازين
وصوت الاذاعه والاخبار =من سوريا شيب العين
والله ماعنك معذار = ياسوريا يوم تبكين
شيب النضر كل مادار =باحوال صرعى الميادين
شباب وصغار وكبار =منحورة باسكاكين
من شان كرسي ودوار =وولاية حملها دين
يسقى الصحابه والاخيار =اللي عن الحكم عازين
واليوم مهجتك ياحمار =ترغم انوف العزييزين
على المعازيل مغوار = وعند الخواجات مسكين
بشار منته ببشار =انته حداد الحزينين
شبيت في شعبك النار =الله يجازيك ياشين
الله ياخذك مغدار =من عند عصبتك الادنين
كاننهم دار مادار =صكو عليك الحليفين
الفرس تضربلك الزار = والصين مافالهم زين
والفرس تستعرض انذار =تقول بين العناوين
قمتم على حرب بشار =حريبكم من ورى الصين
وماجور ياجيش الاحرار =ذكرتنا بدر وحنين
من عندك الجنه امتار =والهيمنه قاب قوسين
يااحفاد خالد وعمار = من يمكم ينصر الدين
ماصار بالكون ماصار = مثل الحرار المسمين
واللي من المدحه يغار = يطق صخرة فلسطين
شبو بمخزون الابار = مشال ديزل وبانزين
وتفرقو بين الامصار =سبعين جبهه بسبعين
وصومو لياوقت الافطار =صلو ليجاالليل ليلين
والله وعد كل صبار =بالنصر لومن بعد حين

تسجيل تواجد في منبر الجزاله
صح لساانكـ
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

تسلم الله يبيض وجهك على ها القصيده ارائعه
تقبل مروري وتقديري

الشاعر
نواف الحصني
صح لسانك وعتلا شانك
الله يفرج هم اهل السنه في سوريا
وينصرهم على الملحد بشار وزمرته الطغاه

صح لسانك وسلم بنانك
على هالدرر
تقبل خالص لود

كل عام والجميع بخير وعساكم من عواده

صح السانك ودام عزك وبيض الله وجهك

قصيده في غاية الروعه والجمال الله يعطيك العافيه

دمتم على العز والتقدير