حفل ضيافة حرب

هذه قصيدة ترحيبية قلتها في حفل ضيافة حرب والاصدقاء من القبايل الاخرى
الذي اقيم في غران يوم الخميس 23/10/1429ه

يامرحبا باللي لفوا حلة الدار

ابدأ بذكر الله وأحي بالأشعار = تعبير من عمق الضماير بقيفان
أقولها بجزل المعاني والأفكار = باسم الصحاف ابدع وأغني باللالحان
يامرحبا باللي لفوا حلة الدار = ترحيب وافي في ديرة الكل في غران
ترحيبةٍ منّا كما در الأبكار= اللي رعت مرعى الوسم بعد ما فان
نفرح ليا جونا رياجيل خطار= فرحة سني الوقت لاهلت أمزان
هذا شرف من يوم جيتو يالاخيار= ويبقى على طول الليالي والازمان
لاصحابنا وربوعنا حيل مقدار= واللي كماكم منزله فوق الاعيان
الله يحييكم على كيف وبهار= وتكميل وافي يارياجيل الاقنان
هذا بفضل الله علينا بمن سار = احمدك ياربي عليم بالاكوان
خليتنا في دولة لها عز وشعار = واشعارها التوحيد عزٍ لها بان
الله ليرحم عود عقب لنا احرار = بالخطة اللي رسمها رسم شيهان
حرٍ يسلّم واستلم حر باصرار = سعود والفيصل مشو مشي ميزان
وخالد وابوفيصل جويدين الاشوار= الله ليرحمهم ذريفين الايمان
وعبدالله اللي من طويلين الاشبار= اللي سكن فقلوبنا حيل مسكان
لله درّك ياشجيعٍ ومغوار= في عهدكم عم الرخا كل الاوطان
وسلطان ابوخالد كما الغيث مدرار= راعي اليمين اللي روت كل ظميان
ونايف لنا حيدٍ تعلا بالا نظار= خلّا الموطن ينعم بخير وامان
والخالد الفيصل اميرٍ لنا صار= نسل الرجال اللي على الخيل شجعان
وباقي سمو البيت دايم لهم كار = في مدحهم تعجز قوافي مع اوزان
رموز تبقى عاليه فوق الاوكار = والكل منّا للوطن رمز عنوان
هذا وطنّا مايثمن بالاسعار = غالي ولا تجيبه سبايك ولا اثمان
وحنا قبايل حرب نثني بالاعمار = لاقامت الهيجا وبان الخطر بان
لاهبت رياح الليالي والاقدار = من دون دولتنا نقف كل ريعان
عدونا نسقيه جرعات الامرار = لجل الوطن غالي علينا ولايهان
ووقت الرخا حنا لها افكل الاقطار = خدمه انقدمها على كل ميدان
عهدٍ علينا كلنا صغار وكبار = عهدٍ وثيق الحبل لو كان ماكان
وكل القبايل للوطن خير معيار = فالمملكة حضرٍ مع كل بدوان
هذه حقايق قلتها سر وجهار = وهذا كلام الصدق والوقت برهان
وصلاة ربي عد ماهلت امطار = على نبي الله من نسل عدنان

ودمتم سالمين

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك

ابدعت يابسام

قصيده رائعه

والى الامام

صح الله لسانك
ولاهنت
وسلم فكرك وبنانك
دمت برعاية الله وحفظة

اخواني
الحب الباقي ، حرب، فهد ابن غانم
مروركم على متصفحي شرف لي فشكرا لكم وصحت ابدانكم

لاهنت وصح السانك

تقبل التقدير والاحترام

وفقك الله

صح بدنك
ولك ودي واحترامي

صح لسانك ياذيبان


قصيده جزله واحساس راقي


سلمت ولاهنت

تحياتي

السلام عليكم ورحمة الله وبركاته
سلمت ودمت أخوي الشاعر بسام الصحفي على القصيدة .
.
.
جزله ورائعه وصح لسانك
أخوك ابوساره

اخواني
الطرقي، ابوسارة
مروركم تشريف واطراءكم وسام لي انتم وجميع اخواني
فشكرا لكم جميعا وسلمتم ودمت