ابوروان النويمي وسمو الشوق

يابو روان اليوم عندي دعوى=عساك تقوى عليهـا تقـوى
والوقت ماهو على ماتهـوى=ماضاع حق من وراه امطالب
يالنويمي علامك ماتحـب الضيـوف=جارك اللي تزوره من عيوبه عطـاك
الرجال الكريمـه للعطايـا تـزوف=من طرق باب دارك تقطعه من رجاك
يامرحبـا ياطيبيـن السيـره=أسمع صداكم من رجال الخيره
لاكن تامر وأنت راعي الديره=ماضاع حقِأ من وراه امطالب
يارجال القبيلة لو نصف الصفـوف=منهواللي من الجيران بعثـر رحـاك
والله اني على البيبان واقف وقـوف=نكشف الطرقي اللي جاب علم وطراك
لاطبت الاجبان من هنقـاري=أخذتها من دون سوم الشاري
والضيف يسكت حيا وايداري=ماضاع حق من وراه امطالب
الجليس المفرق لايدق الدفـوف=فاهم المسأله لو كان تبدي غباك
لاتحط الحواجز في رقاب الحروف=خطك اللي كتبته ماعطانا نبـاك
ماطب سوقك غير شيأ طيب=وانتا عليها يوم صرت اقريب
لاكـن روح لاتـزوج ثيـب=ماضاع حقأ من وراه امطالِب
الجليس المفرق مايصفق كفوف=لا عليه الملامه لو وصل مستواك
مانبيها طلابه وانت خطك كشوف=مار خل القضيه ياعميلي معـاك
لاتحتكر فى الورد نوع الجوري=وتقول انا شاعركم الاسطوري
ياطيب شعرٍ من لسان الحوري=ماضاع حقٍ من وراه امطالـب
الجليس المفرق لو جنابـي يحـوف=مايهز الجبال الراسيه مـن غـلاك
جاتك الحكمه اللي في حروفي تشوف=لو سمعت المناصح ماتقلـد عـداك
ياصاحبي معك القصايد حره=والشاعر اللي مايعيد الكـره
لاباس ياللي ساكنين الحـره=ماشاب قافك لو وراه امطالب
ناخذ الحق دون ارجالنا بالسيـوف=وانا قبلك رميت القوم يومه رمـاك
والله اني معا العربان حسب الظروف=مار فتح سموعك من هذاك وهـذاك
ماطَلتني ياصاحبي مـن حـدك=مانلت ذيك ولاهذي مـن يـدك
لاتحدني فى الشعر لاكشف سدك=ماضاع حقٍ من وراه امطالـب
جيت ادرس عليمي كيف يسعى يطوف=جادلي من علومه كيف حكم السـواك
بدل السين بالثا يوم ينطـق كسـوف=نعنبو روعة من ذيب يعـوي هنـاك
لانتا امير ولانتا راعي اماره=ماغير عمده ياكبيـر الحـاره
مكشوف امرك لاكشفت اخباره=ماضاع حقأ من وراه امطالب
يشهد الله لقيله كود رجل(ن)طـروف=مار عطه الفتـاوي ولا يعـود وراك
كثرت العالم اللي بين طيب ولقـوف=مار احسب حساب اللي دعاني ودعاك
ياذا الجمل قام بحمـل وبـرّك=خل البلد لاهله وارحل بـرّك
وين الذي فى الحي جاك وبرّك=ماضاع حقٍ منوراه امطالـب
بسألـك يامحنـك واقـعٍ لـه تـروف=مارضي عنه قلبي وماكسب من رضاك
ربعنا فى القصايد ضربها فى الكتـوف=دايم الشعر زنده يشتعل فـى العـراك
مابرك إلا لجله على النيه=وماشفت معكم غير لقمه نيه
ياصاحبي اعلومكم معنيه=ماضاع حقأ من وراه امطالب
منته مجبر على دعوتك منتا امكلوف=مار واحد ومجبر ثم قام وناخاك
ياعميلي تريض منتا جايب هنوف=قودها بالمعاني لجل تأخذ هواك
لا عادها ياصاحبي من صحبَه=لو طعتني باوصلك صف النخبَه
الطالب الكسلان سـوى طَلبَـه=ماضاع حقٍ من وراه امطالـب
جاز لابو حنيفه مـد رجلـه سنـوف=كبرت العِمه اللـي ماتقـدي خُطـاك
لو بعثت النويمي صوب مصر الحُنُوف=يمكن الطب يقدر يكتشـف لـي دواك
يازين حظه يوم جاه انويمي=يمشي معه كان سار اعليمي
والصاحب اللي مايعرف اقليمي=ماضــــاع حقٍ من وراه امطالب
بلغ الطالب اللي يمشي مشي العكوف=لو بلغ مستواه العلم جنب عصاك
انتبه يابن عمي لاتعدى الهفوف=واطلب التمره اللي تستوي في صفاك
يامحكمه والشيخ فيها تركـي=والمتهم محتاج خشمه فركـي
مايعترف ياكود يانس عركي=ماضاع حقٍ من وراه امطالب
كل ماقلت يمشي صار مشيه نكوف=لغه من مقامك دام يسمـع نـداك
لاتو صي بديره زوجوك الغـدوف=منيتي فى المدينه وانت جاتك مُناك
لاتدعي الشيخ قص الجـره=حنا مسكنا الحرامي وجـره
مار انتبه للفول وسط الجره=ماضاع حقأ من وراه امطالب
طبت السوق جفره مار قالو خروف=مار قوم وتفحص كود هذا نجـاك
الديار الكريمـه بالمكـارم تنـوف=مانخاشر هذيك اللي تلخبط بـلاك
دام الحرامي طب يدك حض=وامسك زمامه بالنواجذ عض
منك وراكم بين فتل ونقـض=ماضاع حقٍ من وراه امطالب
نشتري فى المراقي بالذهب بالالوف=دندني يالهقاوي واكشفي لـي رداك
ديرتي يالمدينه للخبايـث عـزوف=كم نفوسٍ تريدك ما منحتـي دفـاك
ترى الحرامي بالعلم يطريك=قـام ايتكلـم ويعلـم فـيـك
طلع الحرامي من بني اخيك=ماضاع حقأ من وراه امطالب
مانبيك اتعرض للسهـوم الحتـوف=انتبه ياعميلي والغلط فـي حجـاك
والله انك عزيز وغالي يابن اللطوف=مار يرحمك الله ويرحم اللي ربـاك
قوم وتطهر وانتظـر للمـوت=حكم القضيه مصدره بثبـوت
لامن غشاك السيف وين تفوت=ماضاع حقٍ من وراه امطالب
دون حرفي وقافي ماعرفت الحسوف=دربك اللي مهدته والقوافـي فـداك
والذي صورك نغليك يابن العطوف=والمحبه زهرها نفرشه فـي مـداك
لاصرت قاضي قلنا لحكم سم=ماتدري إنا امفتلين الدسم
روح وتعشى جعل زادك سم=ماضاع حقأ من وراه امطالب
جعل حضي وحضك مايعود لفوف=والمعاني طويله خلها في رحـاك
جعل قلبك سليم مايجيكم غظروف=والقلوب السليمه ماتدور عـراك
من سوق دلتك قسمكم مقسوم=فنجال صافي والطرف مثروم
حنا انتهينا والحكـم محكـوم=ماضاع حقٍ من وراه امطالب
كان قافك تردى لاتعيد القيـوف=والمعزه تراها بين عطني وهاك
عزتك يارفيقي راقيه فى الشروف=والمحاني فرحها يوم يقبل لقـاك
مرفوض حكمك والحكم مرفوض=قدمتها للشيخ تركي اعروض
مادام راشي للشيخ اقروض=ماضاع حقأ من وراه امطالب
ياعميلي تريض لاتعود عنوف=وانتبه للنجوم العاليه في سماك
عزتي يشد الله يوم تنزل صيوف=بين ربعك وناسك والعرب في نداك
الشيخ تركي من رجال شيوخ=والعِرف ماكن عندهم مرسوخ
في حكمهم كم جِمـال تنـوخ=ماضاع حقٍ من وراه امطالب
خلها بالسهالـه دام جاتـك قطـوف=والنجوم العوالي في مساي ومسـاك
داركم دار عزوه مثل صيف الخيوف=يستفيد الثمـار اليانعـه مـن لفـاك
الشيخ مخبور عمه وجده =مذكور بالخير ياللي توده
مافات راح ومابقى مانعده=ماضاع حقأ من وراه امطالب
ياعميلي تريض وانتبه للرشوف=والليالي طويله زهب الله غطاك
السلام والتحيه منتهى دار الهنوف=والعلوم الرطيبه جعلها في حلاك

الله يـعـطـيـك الـعـافيـــــــــــة

الله يـعـطـيـك الـعـافيـــــــــــة

ابومشعاب

مشكور على جهودك يعطيك العافيه

وصح الله السنت الشعارابوروان النويمي وسمو الشوق

تقبل تحياتي

ودمت بخير

الله يـعـطـيـك الـعـافيـــــــــــة

الله يـعـطـيـك الـعـافيـــــــــــة

بيض الله وجهك

الله يـعـطـيـك الـعـافيـــــــــــة

بيض الله وجهك

مشكورين على المرور

الله يعطيك العافيه
فصح الله السنة الشعراء
لاهنت وبارك الله فيك

الله يعطيك العافية

ومشكور على هذا الجهد